«Nazarbaev» zııatkerlik mektepteri muǵalimderiniń 70 paıyzy attestatsııadan ótpedi degen aqparat jalǵan - Saǵadıev
ASTANA. QazAqparat - «Nazarbaev» zııatkerlik mektepteri muǵalimderiniń 70 paıyzy attestatsııadan ótpedi degen aqparat shyndyqqa janaspaıdy. Bul týraly búgin Úkimettiń selektorlyq rejimdegi otyrysynan keıin BAQ ókilderiniń saýalyna jaýap bergen Bilim jáne ǵylym mınıstri Erlan Saǵadıev aıtty, dep habarlaıdy QazAqparat.
«Bul aqparat shyndyqqa janaspaıdy. Ony Elmıra Amangeldiqyzy (Bilim jáne ǵylym vıtse-mınıstri Sýhanberdıeva) BAQ ókilderiniń aldyna birneshe ret shyǵyp aıtqan bolatyn. Bul durys túsindirmeýden oryn alǵan jaıt»,- dedi Erlan Saǵadıev.
Esterińizge sala ketsek, otandyq birqatar BAQ "Nazarbaev zııatkerlik mektepteri" derbes bilim berý uıymynyń basqarma tóraıymy Kúlásh Shámshidınovanyń Batys Qazaqstan jáne Aqtóbe oblystarynyń jetekshi mektepteriniń forýmynda muǵalimderdiń kásibı deńgeıi men bilimin ótkir synǵa alǵandyǵyn jazǵan bolatyn. Shámshidınovanyń aıtýynsha, muǵalimderdiń tek 5 protsenti ǵana qarapaıym test boıynsha barlyq 25 suraqqa jaýap bergen. Al synaq tapsyrǵan ustazdardyń 70 protsenti shekti 13 baldy da jınaı almaǵan.
