"Nazarbaev zııatkerlik mektepteri" AQ jyl qorytyndysyna arnalǵan baspasóz konferentsııasyn ótkizedi
ASTANA. 31 qańtar. QazAqparat - «Nazarbaev zııatkerlik mektepteri» AQ aǵymdaǵy jyldyń 2 aqpanynda Nazarbaev Ýnıversıtetiniń ǵımaratynda jyl qorytyndysy boıynsha baspasóz konferentsııasyn ótkizedi, dep habarlaıdy «Nazarbaev zııatkerlik mektepteri» AQ baspasóz qyzmeti.
Baspasóz qyzmetiniń habarlaýynsha, «Daryndy balalarǵa arnalǵan jaratylystaný-matematıkalyq baǵyttaǵy 20 zııatkerlik mektepter» jobasy 2008 jyly Elbasynyń qoldaýymen júzege asyryla bastady. Qazirgi kezde 5 mektep kesheni iske qosylǵan. Yqpaldastyrylǵan eksperımenttik bilim berý baǵdarlamalaryn daıyndaý jumysy uıymdastyrylyp, bilim sapasyn baǵalaý jáne monıtorıng júrgizilýde. Pedagogıkalyq ujym men oqýshylar kontıngenti qalyptasqan. Búginde Nazarbaev zııatkerlik mektepterinde 597 pedagog qyzmet etip, úsh jarym myńnan astam bala bilim alýda.
Júz paıyz memlekettik úlestegi «Órken» aktsıonerlik qoǵamy 2008 jyly 13 mamyrda Qazaqstan Respýblıkasy Úkimetiniń № 452 qaýlysymen qurylǵan. 2010 jyldyń maýsym aıynda «Órken» aktsıonerlik qoǵamynyń ataýy «Nazarbaev zııatkerlik mektepteri» bolyp ózgertildi. 2011 jyldyń 19 qańtarynda «Nazarbaev Ýnıversıteti», «Nazarbaev zııatkerlik mektepteri», «Nazarbaev qory» týraly Qazaqstan Respýblıkasynyń zańdaryna qol qoıyldy.
