Nazarbaev zııatkerlik mektebiniń taǵy 10 oqýshysy aýrýhanaǵa tústi - Almaty oblysy
TALDYQORǴAN.QazAqparat - Sońǵy eki kúnde Taldyqorǵannyń ınfektsııalyq aýrýhanasyna túsken Nazarbaev zııatkerlik mektebiniń oqýshylar sany 18-ge jetti, dep habarlaıdy QazAqparat tilshisi.
Báriniń de dene qyzýy kóterilip, júrekteri aınyp, ishteri ótken.
Dárigerlerdiń aıtýynsha, balalardyń neden ushynǵany saraptama nátıjeleri daıyn bolǵanda belgili bolady. Oǵan deıin oqýshylar aýrýhanada barlyq emdik sharalaryn qabyldaı bermek. Em alyp jatqan balalardyń sózinshe, olar mekteptegi ashanadan tamaqtanǵannan keıin ózderin jaısyz sezine bastaǵan.
«Jaǵdaılary ortasha aýyr. Em alyp jatyr. Saraptama nátıjeleri dúısenbi, seısenbi shyǵady. Sol kezde naqty dıagnoz qoıatyn bolamyz. Al qazir ishek ınfektsııasy nemese vırýsty ınfektsııanyń belgileri baıqalýda»,- deıdi dáriger Nadejda Staroseledskaıa.
Esterińizge sala keteıik , buǵan deıin málimdegenimizdeı, atalǵan jaǵdaıdy dárigerler oblystyq tutynýshylar quqyǵyn qorǵaý departamentiniń mamandaryna shuǵyl habarlaǵan. Endi olar mán-jaıdy tekserip, anyqtaıtyn bolady. Al Nazarbaev zııatkerlik mektebiniń ákimshiligi saraptama nátıjesi shyqpaı, ázirge suhbat bere almaımyz dep otyr.
