Nazarbaev zııatkerlik mektebiniń oqytýshylary áriptesterine oqytýdyń jańa ádistemesi boıynsha sheberlik sabaqtaryn ótkizýde

Bul týraly Nazarbaev Semınarǵa eldiń jalpyǵa birdeı bilim berý mektepterinen 40-tan astam oqytýshy jáne Y. Altynsarın atyndaǵy Ulttyq bilim berý akademııasynyń 18 qyzmetkeri qatysýda.

Nazarbaev zııatkerlik mektebiniń yqpaldasqan bilim berý baǵdarlamasy Kembrıdj ýnıversıtetiniń halyqaralyq emtıhan keńesimen birlesip ázirlendi. 2013 jyly bastaýysh, negizgi jáne joǵarǵy synyptarǵa arnalǵan oqytý baǵdarlamalarynyń ázirlemesi aıaqtalǵan. Yqpaldasqan baǵdarlama engizilip, búginde 1-shi, 7-shi, 8-shi, 11-shi jáne 12-shi synyptarda oqytylyp jatyr. Baǵdarlama balalardy ózdiginen bilim alýǵa, synı kózqaras qalyptastyrýǵa, óz oıyn jetkize biletin, topta jumys isteı alatyn, ózgeristerge beıim, zerek ári ınnovatsııaǵa qabiletti tulǵa retinde damytýǵa baǵyttalǵan.

Onda bilim berý qundylyqtary, mektep qabyrǵasynan shyqqandaǵy nátıjeler, bilim berý salasy men oqý pánderi boıynsha kútiletin nátıjeler aıqyndalǵan.

Oqytqan kezde jalpyǵa birdeı bilim beretin mektepterdiń pedagogtary ózderiniń oqý josparlarynda oqýshylardyń oqytýdyń ınnovatsııalyq ádisterin ıgerýine, bilim men ómirdi ushtastyra bilýine, synı kózqarastaryn damytýǵa, is júzindegi baǵyttylyqqa, oqytýdaǵy zertteý tásilderine, patrıotızmge, adamgershilikke tárbıelep, tanym belsendiligin arttyrýǵa basa nazar aýdarýy tıis.

"Baǵdarlamada qoǵam jáne kóshi-qon, álemdik arenadaǵy Qazaqstannyń bedeli, ádebıet, óner, zamanaýı órkenıet, klımat jáne t.b. ózekti taqyryptar zerdelenetini quptarlyq. Bul oqýshylardyń fýnktsıonaldyq saýattylyǵynyń artýyna yqpal etedi", - dep atap ótti Astana qalasyndaǵy №48 mektep-lıtseıdiń oqytýshysy Qalqaman Qojahmetov.

Semınar 17-28 aqpan aralyǵynda ótýde, jáne bul Nazarbaev Zııatkerlik mektebiniń tájirıbesin Qazaqstannyń jalpyǵa birdeı bilim berý mektepterine taratý aıasyndaǵy mańyzdy shara bolmaq.