«Nazarbaev Zııatkerlik mektebiniń» bitirýshileri 4 pán boıynsha kembrıdjdik test tapsyrady

dep habarlady «Nazarbaev Zııatkerlik mektebi» AAQ bilim sapasyn baǵalaý departamentiniń dırektory Olga Mojaeva pm.kz saıtyna berge suhbatynda.

«Biz bitirýshilerdi qorytyndy attestatsııalaýǵa táýelsiz bilim berý uıymdarynyń ázirleýin bastap ta kettik, endi 2012-2013 oqý jylynda bizdiń bitirýshilerimiz tuńǵysh ret  4 kásibı pán boıynsha kembrıdjdik test tapsyrady», - dedi O.Mojaeva.

Departament dırektorynyń aıtýynsha, qyrkúıekte konkýrstyq irikteýdiń jańa júıesi synaqtan ótkiziledi, onyń aıyrmashylyǵy tapsyrmalardyń alǵan bilimdi qoldana bilýdi tekserýge baǵyttalýynda jáne ár pán boıynsha shektik deńgeıi belgilengen. Tildik pánderde mátinmen jumys isteý daǵdylary tekseriledi, al grantqa úmitkerler úshin shektik deńgeı statıstıkalyq málimetterdi óńdegennen keıin belgilenetin bolady.

Sonymen qatar, 7 jáne 11 synyptarda Gollandııanyń pedagogıkalyq ólshemder ınstıtýtymen (CITO) birlesip ázirlengen bilim jetistikteri monıtorınginiń jańa júıesi synaqtan ótkiziletin bolady. Atalǵan júıe ár balanyń nátıjeleri kórsetiletin oqýshylardyń qabyletteri shkalasyn jasaýǵa múmkindik beredi, bul pedagogke balanyń jeke jetistikterin, onyń oqý barysyndaǵy progressteri pen qıyndyqty salalaryn anyqtaýyna jaǵdaı jasaıdy.

O.Mojaevanyń sózine qaraǵanda, Djon Hopkıns ýnıversıtetiniń Daryndy jastar ortalyǵymen birlesip oqýshylardyń matematıkalyq qabyletterin psıhometrııalyq baǵalaýdy júrgizý josparlanýda. Baǵalaýdyń bul túri oqýshylardyń zııatkerlik ósýin qamtamasyz etýge baǵyttalady.

«Baǵalaý modeli «Nazarbaev Zııatkerlik mektebiniń» bilim berýdiń kiriktirilgen baǵdarlamasynyń quramdas bóligi bolǵandyqtan, bizdiń maqsatymyz oqýshyǵa oqýǵa túskennen bitirgenge deıin zııatkerlik progresti jáne ǵylymı jetistikterdiń joǵary nátıjesin qamtamasyz etýge kómektesetin baǵalaý júıesin jasaý bolyp tabylady», - dep aıaqtady sózin O.Mojaeva.