Nazarbaev zııatkerlik mektebiniń 8 oqýshysy aýrýhanaǵa tústi - Almaty oblysy
TALDYQORǴAN.QazAqparat - Taldyqorǵan qalasyndaǵy Nazarbaev zııatkerlik mektebiniń oqýshylary birinen soń biri aýrýhanaǵa túsip jatyr.
Búgin bir kúnde 8 oqýshy ınfektsııalyq aýrýhanaǵa jatqyzyldy, dep habarlaıdy QazAqparat tilshisi.
Aýrýhanaǵa túsken balalardyń sózinshe, olar mekteptegi ashanadan tamaqtanǵannan keıin ózderin jaısyz sezinip, qusyp, ishteri ótken. Qazir barlyǵy derlik tıisti emderin qabyldap jatyr. Dárigerler naýqastardyń jalpy jaǵdaıy ortasha dep baǵalaýda.
«Asqazan-ishek joldary negizinen zaqymdanǵan. Qazirgi klınıkalyq belgileri asqazan-ishek joldarynyń zaqymdanǵanyn kórsetip tur. Shuǵyl habarlama sanepıdstantsııaǵa jiberildi», - dedi dáriger Kúláısha Óner.
Al Nazarbaev zııatkerlik mektebindegiler bul jaıt boıynsha ázirge suqbat bere almaıtyndaryn aıtty.
