Nazarbaev Zııatkerlik mektebiniń 7 oqýshysy AQSh ýnıversıtetterinen shaqyrtý aldy
ASTANA. 24 mamyr. QazAqparat - Erteń Astana qalasyndaǵy fızıka-matematıkalyq baǵyttaǵy Nazarbaev Zııatkerlik mektebinde sońǵy qońyraýǵa arnalǵan merekelik is-shara ótedi, dep habarlady bilim oshaǵynyń baspasóz qyzmetinen.
Osy oqý jylynda mektepti aıaqtaıtyn 45 túlektiń 12-si «Altyn belgi» tósbelgisine, al 10 túlegi úzdik attestatqa úmitker. Túlekterdiń arasynda pándik olımpıada jáne túrli jarystardyń jeńimpazdary bar. 25 túlek halyqaralyq ǵylymı joba jarystarynyń jeńimpazy.
«7 túlegimiz AQSh-tyń University of Chicago, Newcastle University, University of Nottingham, «Bentley University», Embry-Riddle Aeronautical University, University of Minnesota Twin Sities syndy aıtýly joǵary oqý oryndaryna shaqyryldy. 22 túlegimiz Nazarbaev Ýnıversıtetiniń halyqarylyq emtıhanynan oıdaǵydaı ótti», - delingen habarlamada.
