Nazarbaev Zııatkerlik mektebine irikteý baıqaýynyń jańa sharttary engiziledi
ASTANA. 4 sáýir. QazAqparat - Nazarbaev Zııatkerlik mektebi 7 synyp oqýshylaryn irikteý baıqaýynyń jańa júıesin engizýde. Endi osy atalǵan bilim mekemesinde úmitkerlerge eń joǵary talaptar qoıylýda. Bul týraly «Nazarbaev Zııatkerlik mektebi» AAQ Pedagogıkalyq ólshemder ortalyǵy dırektorynyń orynbasary Jámıla Esanova málim etti, dep habarlaıdy astana.kz.
«Biz qazirgi irikteý talaptaryna taldaý jasap, ony AQSh, Ulybrıtanııa, Avstralııa, Nıderlandy memleketteriniń halyqaralyq tájirıbesimen salystyrdyq. Sonymen birge strategııalyq áriptester - Sıto pedagogıkalyq ólshemder (Nıderlandy) ınstıtýty jáne Djons Hopkıns STÝ ýnıversıtetiniń (AQSh) talantty jastar ortalyǵymen birge Zııatkerlik mekteptiń 7 synyp oqýshylary úshin irikteý baıqaýy júıesi ázirlendi», - dedi Ortalyq dırektory.
Jańa baıqaý júıesiniń ereksheligi birneshe. Endi baıqaý 2 kún ishinde ótedi. Birinshi kúni oqýshylar (matematıka men qazaq tili, orys tili, aǵylshyn tilinen) pándik test tapsyrady. Ekinshi kúni - «Mólsherlik sıpattamalar» jáne «Keńistikte oılaý» eki taraýynan turatyn pánniń erekshelik testin tapsyrady.
Sondaı-aq, testtiń mazmuny da ózgeredi. Tutastaı alǵanda, árbir pánniń sany ósip, testileý ýaqyty da ulǵaıady. Eger burynǵy júıede árbir pánge 15 suraq bólingen bolsa, jańasynda ol - matematıkadan 40 suraq jáne tilden 20 suraq. Ýaqyt boıynsha test matematıkaǵa 60 mınýt, tilge 40 mınýt bólingen. Jalpy pán testisine bólinetin ýaqyt 180 mınýtty quraıdy. Sáıkestengen 139 suraqqa dál 79 mınýt beriledi. Bul ýaqyt CTÝ sarapshylary negizdegen tájirıbe jasaý jolymen ǵylymı túrde ornyqtyryldy.
Suraqtar da ózgerdi. Olarda túrli ómirlik jaǵdaılar, dıagrammalar, kesteler, sýretter paıdalanylady. Til jónindegi suraqtar testpen jumys isteý arqyly grammatıkalyq erejelerdi tekserýge emes, til baılyǵyn tekserýge baǵyttalǵan. «Sandyq minezdemeler» men «Keńistiktik oılaý» test suraqtarynda oı qısynyn baǵalaýǵa baǵyttalyp, sandarmen jumys isteý, oısha úsh deńgeıli nysandardy júıeleý múmkindikteri, mektep oqýshylary úshin mańyzdy naqty-matematıkalyq baǵyttaǵy kórgenin este saqtaý eskerilgen.
Osylardyń barlyǵymen birge, grant baıqaýyna qatysý úshin eń tómengi talaptar men grant berý erejesi de ózgeredi. Eger qazirgi júıede grantqa qatysý úshin eń úlken múmkin bolatyn balldan ár pán boıynsha 30 jáne odan da kóp paıyz jınaý qajet bolsa, jańa júıede matematıkadan 35% jáne odan da joǵary, al «Mólsherlik sıpattamalar» testi boıynsha - 40 % jáne odan da joǵary jınaý qajet bolady.
