«Nazarbaev Zııatkerlik mektebinde» jańa oqý baǵdarlamalary synaqtan ótýde
ASTANA. 22 tamyz. QazAqparat - 2012-2013 oqý jyldary «Nazarbaev Zııatkerlik mektebinde» Kembrıdj ýnıversıtetimen birlesip jasalǵan jańa oqý baǵdarlamalaryn synaqtan ótkizý bastalady,
dep habarlady uıym basqarmasy tóraǵasynyń orynbasary Pm.kz saıtyna.
«2012-2013 oqý jyldary biz Kembrıdj ýnıversıtetiniń oqytýshylary men bizdiń pedagogter birlesip jasaǵan 7-11 synyptarǵa arnalǵan oqý baǵdarlamalaryn synaqtan ótkizýdi bastamaqpyz»,- dep habarlady N.Aıýbaeva.
Baǵdarlama bizdiń otandyq muǵalimderdiń qatysýymen ázirlengeni atap kórsetilgen, keleshekte bul muǵalimder osyndaı baǵdarlamalardy ózderi de jasaıtyn bolady.
Budan basqa, N.Aıýbaeva Kembrıdj ýnıversıtetiniń atalǵan oqý baǵdarlamasyn ázirleýge at salysqan mamandary bilim berý baǵdarlamalaryn júrgizýge jáne qoldaýǵa qatysatyn bolady, al bul NZM pedagogteriniń biliktiligin arttyra túsedi dedi.
«Kembrıdj ýnıversıtetiniń pedagogteri jańa tehnologııalardy ákelip, jańa oqý baǵdarlamalaryn bizdiń pedagogterimizdi oqytyp-úıretý arqyly engizgenin qalaımyz. Bul baǵdarlama aıaǵynan turyp ketýi úshin, synaq kezinde biz olardy jetildirip nemese kemshilikterin joıý úshin jáne ony basqa mektepterge engizý múmkindigin qarastyrý úshin olar birlese jumys isteıtin bolady», - dep qosty ol.
«Nazarbaev Zııatkerlik mektebi» arnalǵan oqý baǵdarlamalaryn Kembrıdj ýnıversıtetimen seriktestikte ázirleý 2010 jyly bastaldy. Zııatkerlik mektepterdiń jetildirilgen oqý baǵdarlamalary óz boıyna úzdik halyqaralyq jáne otandyq praktıkany biriktirip, bilim berýdiń halyqaralyq sapasyna saı bolady dep kútilýde.
