Nazarbaev zııatkerlik mektebinde qutqarýshylar oqý-jattyǵýlar ótkizdi - Astana
ASTANA. QazAqparat - Astanadaǵy Nazarbaev zııatkerlik mektebinde 28 qańtarda shartty órtti joıý boıynsha órt-taktıkalyq oqý-jattyǵýy ótkizildi. Jattyǵýdyń taqyryby: «Adam kóp shoǵyrlanǵan nysandarda órtterdi sóndirý», dep habarlaıdy astana.kz.
Jospar boıynsha, qysqa tuıyqtalýdyń saldarynan mekteptiń akt zalynda tutaný oryn alǵan. Janǵan zattardan temperatýra kóterilip, qoıý tútin shyqqan. Órt bir baǵytta taralady. Avtomatty dabyl berý qurylǵysy iske qosylady. Nysannyń ákimshiligi «101» telefony boıynsha órtke qarsy qyzmetke habarlaıdy jáne adamdardy qaýipsiz jerge kóshirýge kirisedi. Osy maqsattaǵy barlyq esikter ashylyp, elektr energııasy óshiriledi. Sondaı-aq, qolda bar quraldarmen órtti sóndirýge kirisedi.
Oqý-jattyǵýǵa 14 tehnıka birligi jáne jeke quramnan 32 adam tartyldy.
