Nazarbaev zııatkerlik mektebi «Uly dala muragerlerin» qoıdy
ORAL. QazAqparat - Oral qalasyndaǵy fızıka-matematıkalyq baǵyttaǵy Nazarbaev zııatkerlik mektebi oblystyq qazaq drama teatrynda «Uly dala muragerleri» atty teatrlandyrylǵan qoıylymyn kórsetti, dep habarlaıdy «QazAqparat» tilshisi.
Sharaǵa oblys ákimi Altaı Kólginov bastaǵan óńir jurtshylyǵy qatysyp, zııatkerlik mekteptiń bes jyl boıǵy qyzmetiniń nátıjesine kýá boldy.
Aldymen teatrdyń foıesinde Nazarbaev zııatkerlik mektepterinde júzege asyrylyp jatqan kiriktirilgen oqý-tárbıe baǵdarlamasyna sáıkes mektep oqýshylarynyń ǵylymı jumystary men tájirıbeleri kórsetildi. Olar ǵylym men tehnologııanyń túrli salalaryn qamtydy. Qoldanbaly óner sabaqtary boıynsha sheberlik klastary júrgizildi. Sondaı-aq mektep oqýshylarynyń qolóner buıymdarynan turatyn qaıyrymdylyq jármeńkesi ótti. Jármeńkeniń maqsaty - «Bala mıynyń saldanýy. Ortalyq júıke júıesiniń organıkalyq zaqymdanýy. Túıilmeli ekijaqty saldaný» dertine shaldyqqan, Oral qalasynyń turǵyny, jeti jasar Islıam Sarıevke kómektesý.
Oqýshylardyń kórmesi men qaıyrymdylyq jármeńkesin tamashalaǵan Altaı Kólginov qazirgi tańda mektep oqýshylary úshin memleket úlken qoldaý tanytyp jatqanyn, sondyqtan osy múmkindikterdi paıdalanyp, shákirtter básekege qabiletti bolýy kerektigin aıtty. Zııatkerlik mektep oqýshylary alǵan bilimderin tájirıbede qoldanyp, túrli ǵylymı jobalar qurastyrǵanyna, sonymen qatar áleýmettik jaýapkershilik sezine biletindigine, «Uly dala muragerleri» qoıylymynyń adamdy rýhanı, zııatkerlik turǵyda damytýǵa úles qosatynyna toqtaldy. Osy oraıda mektepterdiń ózara tájirıbe almasýdy jalǵastyra berýi qajet.
Keıin mekteptiń kiriktirilgen bilim berý baǵdarlamasy, áleýmettik tájirıbeleri men jobalary negizinde daıyndalǵan «Uly dala muragerleri» atty qoıylymy boldy. Qoıylymda jas urpaqqa bilim men tárbıe berý júıesindegi jańa jobalar «Aýyldaǵy eki apta», «100 kitap», ulttyq qundylyqtardy sińirý («Qazaq ánderi», «100 kúıdiń tarıhy») men jahandyq azamattyqty damytýǵa («Robototehnıka», kóptildilik) baǵyttalǵan tájirıbeler sıpattaldy. Munda oqýshylar án, bı, kúı óneri boıynsha shyǵarmashylyq múmkindikterin pash etti.
Qoıylym sońynda qaıyrymdylyq jármeńkesinen túsken qarjy Oral qalasynyń turǵyny, kóp balaly ana Roza Sarıevaǵa tabystaldy.
