Nazarbaev Jibek joly ǵylym akademııasyn qurý týraly bastamaǵa pikir bildirdi
BEIJІŃ. QazAqparat - Qazaqstan Prezıdenti Nursultan Nazarbaev «Bir beldeý, bir jol» forýmynyń kóshbasshylar dóńgelek ústel otyrysynda Jibek joly halyqaralyq ǵylym akademııasyn qurý týraly qazaqstandyq ǵalymdardyń bastamasy týraly aıtty, dep habarlaıdy «QazAqparat» HAA Qytaıdaǵy menshikti tilshisi.
«Bizge ınnovatsııa jáne ǵylymı-tehnıkalyq damý salalaryndaǵy qarym-qatynastardy barynsha nyǵaıtýǵa kúsh salý kerek. ǴZTKJ (ǵylymı-zertteý jáne tájirıbelik-konstrýktorlyq jumystar - avtor) ortalyqtaryn jáne ınnovatsııalyq kompanııalardyń tehnologııalyq transferenti men venchýrlik qorlardy qurý jobasyn birlesip qarjylandyrý máselesin qaraý oryndy. Osy rette men dóńgelek úster jumysyna qurmetti qatysýshylardy Jibek joly halyqaralyq ǵylym akademııasyn qurý týraly qazaqstandyq ǵalymdardyń bastamasyna nazar aýdarýlarýlaryn suraımyn. Bul ıdeıaǵa qytaılyq áriptesterimiz, sondaı-aq 16 eldiń ǵylymı mekemeleri qoldaý bildirgen. Bastamanyń qoldaý tabatyndyǵyna senemiz»,- dedi Memleket basshysy.
Eske salaıyq, Elbasy QHR-ǵa eki kúndik saparmen bardy. Onda QR Prezıdenti Beıjińde «Bir beldeý, bir jol» baǵdarlamasy aıasynda halyqaralyq yntymaqtastyqty nyǵaıtý maqsatynda joǵary deńgeıdegi forýmǵa qatysýda.
Oǵan 29 memlekettiń prezıdentteri men úkimet basshylary, sondaı-aq BUU, Dúnıejúzilik bank pen Halyqaralyq valıýta qorynyń ókilderi keldi.
