Nazarbaev: Jekelegen elderdiń sanktsııasy - Eýrazııanyń geoekonomıkasynyń basty problemasy
«Biz qoldanatyn kommýnıkatsııalardyń qaýipsizdigi taǵy da bir mańyzdy syn-tegeýiringe aınalady. Elder úshin tejeýshi faktor jahandaný nátıjesinde qalyptasqan tyǵyz ekonomıkalyq ózara táýeldilik bolyp sanalady. Degenmen, saýda soǵystary men sanktsııalar bul faktordyń mánin shaıyp jiberedi», - dedi Elbasy.
Qazaqstan Prezıdentiniń paıymynsha, aıqynsyzdyq jaǵdaıy barlyq elderdiń jańa «qyrǵı qabaq soǵys» sheginde aýytqyp júrýine májbúrlep otyr. Mundaı «soǵys» barlyǵyna tek jeńilis ákeledi.
Memleket basshysy Eýrazııanyń geoekonomıkasy úshin jekelegen memleketterdiń birjaqty tártippen jáne qarymta jaýap sanktsııasy retinde engizip otyrǵan ekonomıkalyq sanktsııalary mańyzdy problemalardyń birine aınalyp otyrǵanyn basa aıtty.
«Úlken Eýrazııanyń keıbir bólikterinde keń aýqymdy áskerı taıtalastyń joǵary varıanttylyǵy qalýda», - dedi Nursultan Nazarbaev.
Aıta keteıik, Elbasy jıyn barysynda Úlken Eýrazııanyń sulbasy qalyptasyp kele jatqanyn aıtyp, Reseı, AQSh jáne Qytaı arasyndaǵy geosaıası básekelestikke alańdaýshylyq tanytty.
Sonymen qatar Nursultan Nazarbaev álemdik derjavalar qarýlaný jarysyna qaıta oralýy múmkin ekendigin eskertti.
