Nazarbaev ıadrolyq derjavalarǵa polıgondardyń ınfraqurylymdaryn joıýdy usyndy
«ıAdrolyq klýb músheleri jappaı qyryp-joıý qarýlary salasyndaǵy ózderiniń saıasattaryn túzetý esebinen mindettemeler men shekteýler qabyldaýy tıis. Bul rette, olardyń ıadrolyq keshenderdi jańǵyrtýǵa qoldaý kórsetýdiń dástúrli tájirıbesinen tejelýi mańyzdy. Aýmaqtarynda polıgondar ornalasqan memleketterge polıgondardyń ınfraqurylymdaryn joıýdy usynamyn. Qazaqstannyń tájirıbesi bar. Ol Reseıde de, AQSh-ta da bar. Biz olarmen bólisýge daıynbyz», - dedi Elbasy «ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» tabystaý rásiminde.
QR Tuńǵysh Prezıdentiniń atap ótýinshe, sońǵy 20 jyldyń ishinde ıAdrolyq synaqtarǵa jappaı tyıym salý shartyn ámbebaptandyrý isinde jáne monıtorıngtiń halyqaralyq júıesi kómegimen onyń saqtalýyn baqylaýda aıtarlyqtaı progreske qol jetkizildi. Degenmen, atalǵan shart kúshine enýi úshin álemdik qoǵamdastyq barynsha tabandylyq tanytyp, ony áli kúnge deıin ratıfıkatsııalamaǵan elderge qabyldatý qajet.
ıAdrolyq synaqtarǵa jappaı tyıym salý sharty tetikteri rejımin barynsha nyǵaıtýdy túbegeıli ámbebaptandyrýǵa qol jetkizý mańyzdy. Álemge ıadrolyq qarýdyń kóbeıip, taralýyna qarsy qatań sharalardyń jumys isteıtin shynaıy tetigi qajet. Dúnıejúzilik aýqymdaǵy mundaı shartty BUU qabyldaǵan. Munan keıin de Úndistan men Pákistan ıadrolyq memleketke aınaldy. Sondyqtan biz qabyldaǵan bul sharttyń qatań sharalar tetikteri BUU Qaýipsizdik Keńesiniń tıisti qararymen kúsheıtilýi tıis», - dedi Nursultan Nazarbaev.
