Nazarbayev University basshylyq quramynda qazaqstandyqtar nege az — mınıstr jaýaby

ASTANA. KAZINFORM — Ǵylym jáne joǵary bilim mınıstri Saıasat Nurbek Májilis depýtaty Ashat Aımaǵambetovtiń Nazarbaev ýnıversıtetindegi kadr saıasatyna baılanysty jazǵan synyna pikir bildirdi.

— Ashat Qanatulynyń aıtqan sóziniń jany bar. Qazirgi tańda Nazarbaev ýnıversıteti — avtonomdy, táýelsiz formadaǵy uıym. Tikeleı mınıstrlik te, Úkimet te jumysyna artyq aralasa almaıdy. Ózderiniń zańdary bar. ıAǵnı, ishki avtonomııasy bar. Degenmen biz ýnıversıtet basshylyǵymen kezdesip, dál osyndaı usynystardy aıttyq. Qazir Nazarbaev ýnıversıtetinde aıaqtan turyp, myqty ósip kele jatqan Suraǵan Dórbethan, Dos Sarbasov sııaqty jergilikti býyn bar. Al siz aıtqandaı, basshylyq quramdaǵy jalǵyz qazaqstandyq Aıda Qystaýbaıqyzy qazir vıtse-provost bolyp taǵaıyndaldy — ekinshi laýazymy bar. Bizdiń usynystarymyzdy eskeremiz dep sóz berdi, — dedi ol Úkimet otyrysynan keıin ótken baspasóz máslıhatynda.

Aıtýynsha, ýnıversıtettiń quramynan ashylatyn kolledjderdi basqarýǵa qazaqstandyq mamandar kóbirek tartylmaq.

— Qazir ýnıversıtettiń úsh jyldyq strategııasy bekitildi. Jańa jyldan bastap jańa qurylymdyq júıege kóshedi — kolledjder bolady. Sol jerde jergilikti kadrlardy eskeremiz degen sóz bergen bizge, — dedi Saıasat Nurbek.

Aıta ketý kerek, Májilis depýtaty Ashat Aımaǵambetov Facebook-tegi paraqshasynda Nazarbaev ýnıversıtetiniń kadr saıasatyn synaǵan bolatyn.