Nazarbaev Ýnıversıtetiniń basshylyǵy aýysty
Nazarbaev Ýnıversıteti (NU) qamqorshylyq keńesiniń sheshimimen Aslan Sárinjipov NU-dyń atqarýshy vıtse-prezıdenti bolyp taǵaıyndaldy, dep habarlaıdy Kazinform.
Ol buǵan deıin Qazaqstannyń Bilim jáne ǵylym mınıstri laýazymynda jumys istegen jáne NU-dyń ashylýynyń basy-qasynda bolǵan.
Sonymen qatar, QK sheshimimen NU-dyń jańa vıtse-prezıdentteri taǵaıyndaldy.
Darhan Bilálov, joǵary bilim salasyndaǵy PhD doktory. Buryn Abaı atyndaǵy QazUPÝ basqarma tóraǵasy-rektory, Prezıdent janyndaǵy Ulttyq ǵylym akademııasynyń vıtse-prezıdenti qyzmetterin atqarǵan.
Erlan Sholanov, MVA magıstri. Buǵan deıin Nazarbaev Ýnıversıtetiniń joǵary bilim mektebiniń atqarýshy dırektory, Kozybayev University basqarma tóraǵasy-rektory, Narhoz ýnıversıteti provosty laýazymdaryn atqarǵan.
Ásel Ýálıeva, DBA doktory. Buǵan deıin Nazarbaev Ýnıversıtetiniń joǵary bıznes mektebiniń atqarýshy dırektory, ál-Farabı atyndaǵy QazUÝ Basqarma múshesi – Operatsııalyq qyzmet jónindegi prorektor qyzmetterin atqarǵan.
NU akademııalyq erkindik, merıtokratııa, transparenttilik jáne áleýmettik jaýapkershilik qaǵıdattaryn ustanýdy jalǵastyrady.
NU-dyń jańa basshylyǵynyń aldynda turǵan negizgi mindetteri ózin-ózi qarjylandyrýǵa kezeń-kezeńimen kóshý, álemdik ǵylymı-bilim berý qaýymdastyǵymen sapaly ıntegratsııa jáne bilim berý júıesin damytý men ǵylymı áleýetti arttyrýda qazaqstandyq ýnıversıtettermen tyǵyz sınergııa máseleleri bolyp qala beredi.
NU sońǵy tórt jylda atqarýshy vıtse-prezıdent qyzmetin atqarǵan Arǵyn Qypshaqovqa alǵys aıtady.
