Nazarbaev ýnıversıtetinde stýdent ólimine qatysty qylmystyq is qozǵaldy

ASTANA. KAZINFORM — Elordadaǵy Nazarbaev ýnıversıtetinde bolǵan stýdent qyzdyń ólimin polıtsııa tekserip jatyr. Bul aqparatty qalalyq polıtsııa departamenti rastady.

— 24 jastaǵy qyzdyń máıiti tabylýyna baılanysty qylmystyq is qozǵaldy. Tekserý bastaldy, oqıǵanyń mán-jaıy anyqtalyp jatyr, — degen habar aldyq polıtsııa departamentiniń baspasóz qyzmetinen.

Buǵan deıin habarlaǵanymyzdaı Nazarbaev Ýnıversıtetinde stýdent qyz qaıtys boldy. 

Sondaı-aq ýnıversıtet pen marqumnyń týystary jalǵan nemese rastalmaǵan aqparat taratpaýǵa shaqyrady. Jaqyndary bul qaıǵyly jaǵdaıdy buqaralyq aqparat quraldarynda, áleýmettik jelilerde jáne messendjerlik toptarda jarııalamaýdy surap otyr.