Nazarbaev ýnıversıtetiniń Joǵary memlekettik saıasat mektebi talapkerlerden ótinish qabyldaıdy
ASTANA. 27 naýryz. QazAqparat - Nazarbaev Ýnıversıtetiniń Joǵary memlekettik saıasat mektebinde barlyq kelem deýshiler úshin ashyq esik kúni ótti, dep habarlaıdy JOO baspasóz qyzmeti. Bul týraly QR Prezıdenti janyndaǵy Ortalyq kommýnıkatsııalar saıty máálim etti.
«Barlyq kelýshilerge memlekettik saıasat salasyndaǵy (Master in Public Policy) magıstratýra baǵdarlamasy, onyń ishinde oqýǵa túsý týraly aqparattar, usynylatyn memlekettik granttar men oqý baǵdarlamasy týraly tolyǵyraq bilýge múmkindik jasaldy», - delingen habarlamada.
Qonaqtardyń aldynda Kelýshilerdiń aldynda Nazarbaev Ýnıversıtetiniń provosty Saımon Djons, Mekteptiń qaýymdastyrylǵan professory Pıter Haýı, sondaı-aq Sıngapýrdyń Ulttyq ýnıversıtetiniń Lı Kýan ıÝ Memlekettik saıasat mektebiniń burynǵy vıtse-dekany professor Edýardo Araral sóz sóıleıdi.
«Magıstratýra baǵdarlamasy boıynsha oqytý taza aǵylshyn tilinde ótkiziletin bolady, sabaqtardy Lı Kýan ıÝ Memlekettik saıasat mektebiniń úzdik oqytýshylary júrgizedi. Baǵdarlama sheńberinde stýdentterge Lı Kýan ıÝ Memlekettik saıasat mektebinde Qazaqstan úshin ózekti máselelerdi Sıngapýrdyń tájirıbesimen salystyra otyryp bilim alýǵa múmkindik beriledi. Magıstranttar memlekettik qyzmetshilermen, praktıktermen jáne naqty memlekettik baǵdarlamalardy ázirleýge jaýapty tulǵalarmen tyǵyz baılanysta jumys isteıtin bolady», - dep habarlady Nazarbaev Ýnıversıteti Joǵary memlekettik saıasat mektebiniń atqarýshy dırektory Áljan Birálıev.
Esterińizge sala ketsek, búgingi tańda Joǵary memlekettik saıasat mektebinde memlekettik saıasat salasyndaǵy eki jyldyq magıstratýra baǵdarlamasyna ótinish qabyldanýda. Qujattardy qabyldaý aǵymdaǵy jyldyń 31 mamyryna deıin júrgiziledi. Atalǵan baǵdarlama boıynsha oqytý aǵymdaǵy jyldyń tamyz aıynda bastalady.
Oqytý memlekettik bilim berý tapsyrysy sheńberinde memleket qarajaty esebinen júrgiziletin bolady. Talapkerlerdiń memlekettik organdarda nemese áleýmettik, halyqaralyq uıymdarda nemese memlekettik organdarmen qarym-qatynas jasaıtyn ulttyq jáne sheteldik kompanııalarda jumys isteý tájirıbesi bolýy tıis.
