Nazarbaev Ýnıversıtetiniń túlekteri elimizdiń jarqyn bolashaǵy jolynda aıanbaı qyzmet etýi qajet - Elbasy
ASTANA. QazAqparat - Nazarbaev Ýnıversıtetiniń túlekteri elimizdiń jarqyn bolashaǵy jolynda aıanbaı etip, barsha jastarǵa úlgi bolýy qajet. Bul týraly búgin Nazarbaev Ýnıversıteti túlekteriniń ekinshi saltanatty oqý bitirý rásiminde sóz sóılegen Elbasy Nursultan Nazarbaev aıtty.
«Biz zamannyń qıyndyqtaryna qaramaı, ekonomıkanyń qıyndyqtaryna qaramaı senderdiń alańsyz bilim alyp, qaýipsiz ómir súrýleriń úshin barlyq jaǵdaıdy jasap kelemiz. Qazaqstannyń 2050 jylǵa deıingi strategııasy, Ult jospary, Nurly jol baǵdarlamasy, Jańa ekonomıkalyq saıasat - elimizdiń ósip-órkendegen 30 memlekettiń qataryna kirýi úshin jasalyp otyr. Bul senderdiń naǵyz kemeldengen kezderińde bolatyn jaǵdaı. Osyny birge qurýlaryń kerek. Sender de elimizdiń jarqyn bolashaǵy jolynda aıanbaı qyzmet etýleriń, barsha jastarǵa úlgi bolýlaryń qajet», - degen Memleket basshysy túlekterge sát sapar biledi.
Sonymen qatar, Elbasy «Bolashaq» baǵdarlamasyn ashyp, birneshe myń jasymyzdy sheteldik úzdik oqý oryndarynda bilim alýǵa jaǵdaı jasaǵandyǵyn atap ótti. Búginde olardyń 10 myńnan astamy elge oralyp, el ekonomıkasyn kóterýge atasalysyp júrgenderin aıtty.
«Sender bizdiń táýelsizdigimizdiń uıasynan ushqan urpaqsyńdar. Meniń qolymnan ushqan urpaqsyńdar. Sol úshin memlekettiń osy qamqorlyǵyn baǵalap, jan aıamaı elderińizge qyzmet etesińder dep senemin. Qazaqstannyń kók týyn aspannan jelbiretip, tik ustap, bolashaqta eldiń abroıyn asqaqtata beredi dep senemin», - dedi N.Nazarbaev.
