Nazarbaev Ýnıversıtetiniń tájirıbesi boıynsha Petropavl jáne Shymkentte 2 ozyq óńirlik joǵary oqý orny qurylady

NUR-SULTAN. QazAqparat - 2025 jylǵa qaraı kolledjder men ýnıversıtetterdiń jataqhanalarynda keminde 50 myń jańa oryn paıdalanýǵa beriledi. Bul týraly Májiliste «Nur Otan» partııasynyń saılaý aldyndaǵy mindettemelerin iske asyrýǵa arnalǵan talqylaý kezinde Premer-Mınıstr Asqar Mamın málim etti, dep habarlaıdy QazAqparat tilshisi.

«2022 jyly Nazarbaev Ýnıversıtetiniń tájirıbesi boıynsha Petropavl jáne Shymkent qalalarynda 2 ozyq óńirlik joǵary oqý orny qurylady», - dedi A. Mamın.

Budan bólek ol 2025 jylǵa qaraı kolledjder men ýnıversıtetterdiń jataqhanalarynda keminde 50 myń jańa oryn paıdalanýǵa beriletinin atap ótti. Sondaı-aq jyl saıyn 10 myń oryn beriletin bolady.

Budan buryn habarlanǵandaı, Úkimet basshysy stýdentterdiń stıpendııasy jyl saıyn 20 paıyzǵa joǵarylap 2 ese ósetinin, al magıstranttar men doktoranttarǵa jyl saıyn 10 paıyzǵa artyp, 1,5 ese kóbeıetindigin aıtty.