Nazarbaev Ýnıversıtetiniń stýdentteri jappaı qan tapsyrdy
ASTANA. 30 naýryz. QazAqparat - Búgin Nazarbaev Ýnıversıtetiniń stýdentteri donorlyq qan tapsyrý sharasyn ótkizdi.
Іs-sharany astanalyq qan ortalyǵy men ýnıversıtettiń Pre-med klýby uıymdastyrdy.
«Biz barlyqtaryńyzdy bireýdiń ómirin qutqarýǵa shaqyramyz. Qan tapsyrý deńsaýlyǵyńyzǵa zııan keltirmeıdi, biraq donorlyq qan kóp adamdarǵa kómektesedi», - delingen Pre-med klýby qatysýshylarynyń joldaýynda.
Klýbtyń músheleri Nazarbaev Ýnıversıteti Ǵylym jáne tehnologııalar mektebiniń Pre-medıtsınalyq baǵdarlamasynyń stýdentteri.
Al osydan bir kún buryn, 29 naýryzda Pre-med klýbynyń músheleri ýnıversıtet atrıýmynda salaýatty ómir saltyna arnalǵan «Healthy Life Style Exhibition» atty ashyq kórmeni ótkizgen bolatyn. Birinshi kýrstyń stýdentteri qonaqtarǵa qan qysymyn ólsheýge, óz dene salmaǵynyń ındeksin bilýge, ókpe kúshin aıqyndaıtyn spırografııalyq testiden ótýge usynys jasap, durys tamaqtaný týraly keńester berdi.
Sonymen qatar, kishkentaı balalarǵa mıkroskop arqyly alkogoldiń dara jasýshaly aǵzalarǵa keltiretin qaýipi men zııany týraly kórinister kórsetildi.
Pre-med klýbynyń músheligine 20-dan astam adam kiredi, al Pre-medıtsınalyq baǵdarlama boıynsha, Nazarbaev Ýnıversıtetinde 60-qa jýyq stýdent bilim alyp jatyr. 2014 jyldan bastap baǵdarlama túlekteri ýnıversıtet Medıtsına mektebinde oqýyn jalǵastyrady.
