Nazarbaev Ýnıversıtetiniń stýdentteri Foundation baǵdarlamasy boıynsha oqýdy sátti aıaqtady

Bul týraly búgin atalǵan oqý ornynda ótken baspasóz máslıhatynda Ýnıversıtettiń akademııalyq máseleler jónindegi prorektory Enn Lonsdeıl málim etti.

«Ýnıversıtetimizdiń oqýshylary Foundation baǵdarlamasy boıynsha alǵan bilim nátıjeleri óte tamasha: 32 stýdent baǵdarlamany óte jaqsy degen nátıjemen aıaqtady. Sonymen qatar, túlekterdiń 65 paıyzy baǵdarlama boıynsha maqtaý gramotalaryn ıelendi», - deıdi E.Lonsdeıl. Onyń aıtýnysha, Foundation baǵdarlamasynyń túlekteri úsh mektepter boıynsha bólingen. Olar - ǵylym jáne tehnologııa, áleýmettik jáne gýmanıtarlyq ǵylym, ınjenerııa. Prorektordyń sózine qaraǵanda, sheteldik dáris berýshi-muǵalimder qazaqstandyq stýdentterdiń úlgerimin joǵary deńgeımen baǵalap, olardyń oqýǵa degen yntasyn, bilimge qushtarlyǵyn jáne mekteptik joǵary ázirligin erekshe atap ótken. Budan bólek, E. Lonsdeıldiń aıtýynsha, Nazarbaev Ýnıversıtetiniń mektepterine osy semestrde 40-tan astam jańa oqytýshylar quramy qabyldanyp jatyr. Olardyń 4-eýi qazaqstandyq ustaz. Sonymen qatar, jańa professorlyq-oqytýshylyq quramdy AQSh, Ulybrıtanııa, Túrkııa, Italııa, Qytaı, Malaızııa, Armenııa, Avstralııa elderiniń bilikti mamandary qurap otyr.