«Nazarbaev Ýnıversıtetiniń» stýdentteri álemdik ýnıversıadalarǵa qatysatyn bolady - Elbasy
ANA. 7 jeltoqsan. QazAqparat - Jańa oqý ornynyń stýdentteri Azıadaǵa daıyndalyp jatqan sporttyq nysandarda keıinnen jattyǵa alady, olar sondaı-aq halyqaralyq ýnıversıadalarǵa qatysatyn bolady.
Bul týraly Elbasy Nursultan Nazarbaev búgin «Nazarbaev ýnıversıtetiniń» stýdentterimen bolǵan kezdesýde málim etti.
«Qazirgi zamanda tabysty bolý degen sóz - salaýatty, tózimdi, kúshti bolý degen sóz. Jańa ýnıversıtettiń janynda, ózderiń kórip otyrsyńdar, zamanaýı sporttyq nysandar, stadıondar salynyp otyr, biz qazir Azıada oıyndaryna daıyndalyp jatyrmyz. Bul - ýnıversıtet stýdentteriniń densaýlyǵyn shynyqtyrýdyń tamasha bazasy. Osy múmkindikti paıdalanyńdar, ýaqyt taýyp shynyǵyńdar», - dedi Elbasy stýdentterge.
«Barshaǵa málim, álemdik úzdik ýnıversıtetter ózderiniń sport komandalarymen tanymal. Bul tájirıbe nazar aýdarýǵa laıyqty, sheteldik seriktesterimizdiń sporttyq jetistikterine boı túzeýimiz kerek. Jańa ýnıversıtet elimizdegi stýdenttik sport qozǵalystaryna jáne álemdik ýnıversıadalarǵa belsendi atsalysýy kerek. Jańa oqý ornynyń kúndelikti jumysynda birlesip sheshetin mindetter osylar», - dedi N.Nazarbaev.
