Nazarbaev ýnıversıtetiniń Prezıdenti Shıgeo Katsý otstavkaǵa ketedi
«13 jylǵa jýyq qyzmet atqarǵannan keıin Prezıdent Katsý óz laýazymynan ketý týraly sheshim qabyldady. Ýnıversıtet qaýymdastyǵy Nazarbaev Ýnıversıtetin kontseptsııadan Qazaqstandaǵy birinshi álemdik deńgeıdegi zertteý ýnıversıtetine aınaldyrǵan Prezıdent Katsýǵa kórnekti kóshbasshylyǵy men kóregendigi úshin zor alǵysyn bildiredi.
Prezıdent Katsýdyń basshylyǵymyn Nazarbaev Ýnıversıteti aımaqtaǵy jetekshi joǵary oqý orny retinde belgili nátıjelerge qol jetkizdi. Bıylǵy kúzde Nazarbaev Ýnıversıtet tuńǵysh ret Times Higher Education ýnıversıtetterdiń álemdik reıtıngine kiretin bolady. Prezıdent Katsýdyń kemeldikke jáne ınnovatsııalarǵa degen myzǵymas berilgendigi merıtokratııa jáne akademııalyq adaldyq prıntsıpterine negizdelgen ozyq zertteýler, akademııalyq ósý jáne halyqaralyq yntymaqtastyq úshin jaǵdaı jasaýda mańyzdy ról atqardy. Nazarbaev Ýnıversıtetiniń qaýymdastyǵy Prezıdent Katsýǵa onyń úlken úlesi men turaqty áseri úshin alǵysyn bildiredi»,-delingen habarlamada.
Sondaı-aq onda prezıdenttik qyzmetinen ketkennen keıin Shıgeo Katsý Nazarbaev Ýnıversıtetiniń Qamqorshylyq keńesiniń múshesi retinde ýnıversıtettiń damýyna óz úlesin qosatyny aıtylǵan.
Sondaı-aq Nazarbaev Zııatkerlik mektepteri, Nazarbaev Qorynyń Qamqorshylyq keńesiniń múshesi jáne Joǵary qamqorshylyq keńesiniń múshesi retinde qyzmetin jalǵastyrady. Prezıdent Katsýdyń tájirıbesi men kóshbasshylyǵy Qazaqstannyń bilim berý salasyn odan ári damytýǵa kómektesedi. Shıgeo Katsý sonymen qatar ýnıversıtet prezıdentiniń mindetin atqarýshynyń keńesshisi qyzmetin atqarady.
Nazarbaev Ýnıversıteti Shıgeo Katsýdyń muragerin halyqaralyq deńgeıde izdep belgilegenshe, provost Ilesanmı Adesıda ýnıversıtet prezıdenti mindetin atqaratyn bolady. Nazarbaev Ýnıversıtetiniń qaýymdastyǵy doktor Adesıda óziniń baı akademııalyq tájirıbesin jańa laýazymǵa engizetinine senimdi.
Doktor Adesıda 2016 jyldyń qazan aıynan bastap Nazarbaev Ýnıversıtetiniń provosty qyzmetin atqardy. Nazarbaev Ýnıversıtetine kelgenge deıin ol tabysty akademııalyq mansap quryp, Ýrbana-Shampeındegi Illınoıs ýnıversıtetinde (UIUC) túrli qurmetti laýazymdarda qyzmet etti. UIUC-de ol akademııalyq suraqtar jónindegi prorektor jáne vıtse-kantsleri bolǵan, odan buryn áıgili Injenerlik kolledjdiń dekany, mıkro jáne nanotehnologııalar zerthanasynyń dırektory jáne Donald Bıggar Ýıllett ınjenerııa professory qyzmetterin atqardy. Doktordyń nanotehnologııalardaǵy, joǵary jyldamdyqty qurylǵylar men optoelektrondyq shemalardaǵy tájirıbesi keń halyqaralyq deńgeıde qabyldanyp, professor Adesıda AQSh Ulttyq ınjenerlik akademııasynyń múshesi bolyp saılandy. Provost Adesıdanyń jetekshiligimen Nazarbaev Ýnıversıteti ǵylymı-zertteý qyzmetinde aıtarlyqtaı jetistikterge jetti.
Nazarbaev Ýnıversıteti Prezıdent Shıgeo Katsýǵa transformatsııalyq kóshbasshylyǵy úshin shynaıy alǵysyn bildirip, Prezıdenttiń mindetin atqarýshy Ilesanmı Adesıdany jańa qyzmetinde qarsy alady.
