Nazarbaev Ýnıversıtetiniń Memlekettik saıasat magıstri baǵdarlamasyna qujattardy qabyldaý bastaldy
ASTANA. QazAqparat - Nazarbaev Ýnıversıtetiniń Memlekettik saıasat magıstri baǵdarlamasyna qujattardy qabyldaý bastaldy, dep habarlady JOO-nyń Kommýnıkatsııalar jáne marketıng departamentinen.
«Joǵary memlekettik saıasat mektebi memlekettik saıasat salasyndaǵy magıstratýra baǵdarlamasyna Master in Public Policy (MPP) qujattardy qabyldaýdy júzege asyryp jatyr. Eki jyldyq kúndizgi MPP baǵdarlamasy keminde 2 jyl jumys tájirıbesi bar mamandarǵa arnalǵan. Shamamen 30-40 memlekettik grant qarastyrylǵan, basqa jerden kelgenderge jataqhana beriledi, úlgerimi jaqsy stýdentterge 100 myń teńge kóleminde aı saıyn stıpendııa tólenedi», delingen habarlamada. 2015 jylǵy 12 aqpanda Nazarbaev Ýnıversıtetinde Aqparattyq sessııa ótkizildi, oǵan qatysýshylar memlekettik saıasat salasyndaǵy Master in Public Policy (MPP) magıstratýra baǵdarlamasyna oqýǵa túsý talaptarymen tanysty. Kelýshiler JMSM-niń oqytýshylarymen, stýdentterimen jáne qyzmetkerlerimen tikeleı tanysýǵa, olarǵa ózderiniń saýaldaryn qoıýǵa múmkindik aldy. Magıstratýra baǵdarlamasy boıynsha oqytý aǵylshyn tilinde júrgiziledi, sabaqtardy Sıngapýrdyń Ulttyq Ýnıversıtetiniń Lı Kýan ıÝ atyndaǵy Memlekettik saıasat mektebiniń (LKıÝ Mektebi) úzdik oqytýshylary júrgizedi. Oqytýshylar Case studies - ınnovatsııalyq oqytý ádisterin qoldanatyn bolady, mysal retinde naqty qazaqstandyq úlgiler keltiriledi. MRR baǵdarlamasynyń stýdentteri LKıÝ Mektebinde óz tańdaýy boıynsha bir kýrstan ótý jáne Sıngapýrdyń memlekettik qyzmetshilerimen kezdesý múmkindigine ıe bolady. Sonymen qatar, oqytý baǵdarlamasynda ozyq qazaqstandyq jáne sheteldik saıası kóshbasshylardyń, bıznesmender men qoǵam qaıratkerleriniń lektsııalaryn tyńdaý qarastyrylǵan.
