Nazarbaev Ýnıversıtetiniń ǵalymdary bıoınjenerııa salasyndaǵy zertteýlermen aınalysýda

dep habarlady Ýnıversıtettiń Atqarýshy keńesi tóraǵasynyń orynbasary Almaz Sharman pm.kz saıtyna bergen suhbatynda.

 «Biz regenatıvtik, translıatsııalyq, derbes jáne jahandyq medıtsına sııaqty tórt baǵytta zertteýler júrgizip jatyrmyz», - dedi A.Sharman óz sózinde.

Derbes medıtsına jeke, genetıkalyq deńgeılegi aýrýlardy zertteýmen aınalysady. Álemdik medıtsınada búginde keń tanymal bolyp otyrǵan taǵy bir baǵyt - jasandy ishki aǵzalar jasaýmen jáne dińgekti jasýsha ósirýmen aınalysatyn regenatıvtik medıtsına.

«Regenertıvtik medıtsına qazir óte tanymal sala. Biz osy baǵytta tájirıbeler júrgizip jatyrmyz. Búginde Kardıologııalyq ortalyqta biz jasandy júrek qarynshasyn ımplantatsııalaýmen aınalysýdamyz, al jaqyn arada jasandy ókpe ımplantatsııalaýdy qolǵa alatyn bolamyz», - dedi ǵalym.

Ómir týraly ǵylymdar ortalyǵy Pıttsbýrg Ýnıversıtetiniń MakGoýen Regeneratıvtik medıtsınalyq ınstıtýtymen birlesip, bıoreaktorlyq tehnologııalar (adıpozdy dińgekti jasýsha) salasyndaǵy jobalarmen aınalysýda. Sondaı-aq, ǵalymdar kardıopýlmonologııalyq mehanıkalyq qurylǵylar jáne pedıatrııadaǵy tin ınjenerııasy jobalaryn, qaterli isik  dińgekti jasýshalaryn zertteý baǵdarlamasyn zertteýde.

Úshinshi baǵyt, translıatsııalyq medıtsına - zertteý nátıjelerin klıkalyq tájirıbege tezirek engizýmen aınalysady, bul baǵyt jańa dári-dármekter men emdeý ádisterin synaqtan ótkizýmen baılanysty. Jahandyq medıtsına nemese adam jasyn  uzartý medıtsınasy Ortalyq ǵalymdary aınalysyp otyrǵan tórtinshi basymdyqty baǵyt bolyp tabylady. Bul sala boıynsha jahandyq mańyzǵa ıe aýrýlar zertteledi.

«Medıtsınanyń bul salasynyń da mańyzy zor, ondaǵy mindet adamdardyń ómir jasyn 70 jasqa deıin, ári qaraı 72 jasqa uzartý bolyp otyr. Sondyqtan da, adamdardyń ómir sapasy men jastaryn uzarta túsetin ádisterdi zertteý kerek»,- dep túıindedi óz sózin professor.