Nazarbaev Ýnıversıtetine jer ýchaskeleri tegin beriledi - BǴM
ASTANA. QazAqparat - QR Bilim jáne ǵylym mınıstrligi Nazarbaev Ýnıversıtetine jer ýchaskelerin tegin berýdi usynady. Bul týraly búgin Parlament Májilisinde «Qazaqstan Respýblıkasynyń keıbir zańnamalyq aktilerine derbes bilim berý uıymdarynyń qyzmetin retteý máseleleri boıynsha ózgerister men tolyqtyrýlar engizý týraly» zań jobasyn tanystyrý barysynda málim boldy.
Bilim jáne ǵylym vıtse-mınıstri Tahır Balyqbaevtyń aıtýynsha, zań jobasymen Nazarbaev Ýnıversıtetine jer ýchaskelerin usynýdyń erekshe tártibi qarastyrylyp otyr. «Búgingi kúni Nazarbaev Ýnıversıtetine bólingen jer ýchaskesi, abattandyrylmaǵan aýmaqty esepke almaǵanda 94,7 gektardy quraıdy. Eger osy jer ýchaskelerin Ýnıversıtet óziniń menshigine satyp alǵan bolsa, olardyń quny shamamen 11 mıllıard teńgeni quraıdy. Áıtse de, bir jaǵynan ondaı jerdi satyp alýǵa qarajat memleketten bólinetin bolyp otyr», - deıdi T. Balyqbaev. Onyń túsindirýinshe, Ýnıversıtetke jer úshin qarajat bóletin memleket bolsa, keıinnen jer satyp alynǵanda ol qarajat aınalyp memleketke qaıta túsedi.
«Osy sebepten, memlekettik bıýdjetten aıtarlyqtaı somany qaıta alyp, qaıta salmaı ári bul qarajatty tıimdi paıdalaný maqsatynda Nazarbaev Ýnıversıtetine jer ýchaskelerin tegin berýdiń erekshe tártibin belgileýdi usynamyz. Jer ýchaskesi Ýnıversıtettiń menshigine beriledi», - dedi vıtse-mınıstr.
Aıta keterligi, jer ýchaskesin Ýnıversıtet menshigine berýdiń osy tártibi Astana qalalyq ákimdigimen jáne ókiletti memlekettik organdarmen kelisilgen. Buǵan respýblıkalyq bıýdjettik komıssııa da oń qorytyndy shyǵaryp otyr.
