Nazarbaev Ýnıversıtetine zertteý ýnıversıteti mártebesi berildi
ASTANA. QazAqparat - QR Premer-Mınıstri Qazaqstan Respýblıkasy Úkimetiniń «Nazarbaev Ýnıversıteti» derbes bilim berý uıymyna zertteý ýnıversıteti mártebesin berý jáne onyń Damý baǵdarlamasyn bekitý týraly» qaýlysyna qol qoıdy. QazAqparat qujattyń mátinin taratady.
Qazaqstan Respýblıkasy Úkimetiniń qaýlysy
2015 jylǵy 24 jeltoqsan, Astana, Úkimet Úıi №1051
«Nazarbaev Ýnıversıteti» derbes bilim berý uıymyna zertteý ýnıversıteti mártebesin berý jáne onyń Damý baǵdarlamasyn bekitý týraly
«Ǵylym týraly» 2011 jylǵy 18 aqpandaǵy Qazaqstan Respýblıkasy Zańynyń 3-babyna, «Qazaqstan Respýblıkasynda bilim berýdi damytýdyń 2011 - 2020 jyldarǵa arnalǵan memlekettik baǵdarlamasyn bekitý týraly» Qazaqstan Respýblıkasy Prezıdentiniń 2010 jylǵy 7 jeltoqsandaǵy № 1118 Jarlyǵyna sáıkes Qazaqstan Respýblıkasynyń Úkimeti qaýly etedi: 1. «Nazarbaev Ýnıversıteti» derbes bilim berý uıymyna zertteý ýnıversıteti mártebesi berilsin. 2. Qosa berilip otyrǵan «Nazarbaev Ýnıversıteti» derbes bilim berý uıymy zertteý ýnıversıtetiniń 2016 - 2020 jyldarǵa arnalǵan damý baǵdarlamasy bekitilsin. 3. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K. MÁSІMOV
