Nazarbaev Ýnıversıtetine talapkerlerdi tirkeý jumystary bir aptadan soń aıaqtalady
ASTANA. 23 qańtar. QazAqparat - Búginge deıin Nazarbaev Ýnıversıtetine 2012 jylǵa 3219 talapker tirkeldi. Ýnıversıtet saıtynda 2011 jylǵy 9 qarashada bastalǵan tirkeý 2012 jylǵy 30 qańtarda tún ortasynda aıaqtalady.
Ótinimder Qazaqstannyń barlyq óńirlerinen jáne basqa elderden kelip jatyr. Bul rette, tirkelgen úmitkerlerdiń 21,1 paıyzy - astanalyqtar, 18,2 paıyzy - almatylyqtar, 8 paıyzǵa jýyǵy - Ońtústik Qazaqstan oblysynan. Sonymen qosa, 39 ótinim basqa elderden tústi.
Tańdaǵan fakýltterdiń tiziminde Gýmanıtarlyq jáne áleýmettik ǵylymdar mektebi (pándik emtıhandar: matematıka jáne synı turǵydan oılaý), Injenerııa mektebi (matematıka jáne fızıka), Ǵylym jáne tehnologııalar mektebi (matematıka jáne fızıka) birinshi oryn alyp otyr. 3219 talapkerdiń ishinde - 1684 qyz jáne 1535 jigit.
Nazarbaev Ýnıversıteti 2012 jyly Ýnıversıtet Foundation baǵdarlamasy boıynsha oqytýdy júrgizbeı-aq, stýdentterdi bakalavrıat baǵdarlamasyna tikeleı oqýǵa qabyldaıtyndyǵyn esterińizge salady. Bul talapkerlerdi qabyldaý erejeleri men onlaın-tirkeý taıaýda Ýnıversıtet saıtynda ashylady.
2011 jyly Nazarbaev Ýnıversıtetine 4247 talapker tirkeldi, olardyń 501 Ýnıversıtet stýdentteri bolyp, oqýdy aǵymdaǵy jyldyń kúzinde bastady. 2012 jyly Qazaqstan azamattary úshin Nazarbaev Ýnıversıtetiniń Foundation baǵdarlamasynda oqýǵa taǵy da 500 memlekettik grant bólinýde.
