Nazarbaev ýnıversıtetine basqa joǵary oqý oryndarynyń stýdentteri aýysyp jatyr
ASTANA. 7 tamyz. QazAqparat - Bıyl basqa joǵary oqý oryndarynda bilim alyp júrgen 27 stýdent Nazarbaev ýnıversıtetine aýysýǵa nıet bildirdi.
Bul týraly búgin Astanada ótken baspasóz máslıhatynda Nazarbaev ýnıversıteti Qabyldaý departamentiniń dırektory Dınara Ashyqbaeva málim etti.
Onyń habarlaýynsha, M.Qozybaev atyndaǵy Soltústik Qazaqstan memlekettik ýnıversıteti men KIMEP-tiń eki stýdenti Nazarbaev ýnıversıtetine túsý talaptaryn oryndap, atalǵan joǵary oqý ornyna tolyǵymen aýysty. «Bul balalar ol jaqta ekinshi kýrsty bitirip kelgen. Endi, olardyń qaı kýrstan oqýdy jalǵastyratynyn Qabyldaý komıssııasy sheshetin bolady», - deıdi D. Ashyqbaeva. Jalpy, aǵymdaǵy jyly joǵary oqý oryndarynda bilim alyp júrgen 27 stýdent Nazarbaev ýnıversıtetine aýysýǵa nıet bildirdi.
Aıta keteıik, bıyl Nazarbaev ýnıversıtetine qujat tapsyrǵan 4,1 myń úmitkerdiń tek 506-sy ǵana Nazarbaev ýnıversıtetiniń Daıyndyq ortalyǵyna qabyldandy.
