Nazarbaev Ýnıversıtetindegi bıznes mektebiniń túlekteri ekonomıkamyzdyń damýyna úles qosady
ASTANA. QazAqparat - MVA dárejesin ıgergen mamandar búgin Nazarbaev Ýnıversıtetin támamdady, dep habarlady www.24.kz.
Bul baǵdarlamamen tek eńbek tájirıbesi men joǵarǵy bilimi ushtasqan azamattar ǵana oqı alady. Kásibı iskerlik salasyndaǵy bilim berýdi damytý qajettigin Memleket basshysy Nursultan Nazarbaev eldiń damý baǵdarlamasynda erekshe atap ótken bolatyn. Halyqaralyq standarttarǵa saı tálim alǵan menedjerler ekonomıkamyzdyń damýyna da endi eleýli úles qosa alady. Bular - MVA dárejesin ıelengen 53 menedjer. Nazarbaev Ýnıversıteti janynan qurylǵan joǵarǵy bıznes mektebiniń túlekteri. Biri - bildeı bir kásiporynnyń basshysy, taǵy biri - top-menedjer bolýdy maqsat tutqan jas maman. Astanadaǵy joǵarǵy bıznes mektebi úsh jyldan beri magıstrlik baǵdarlamanyń eki túri boıynsha tálim berip keledi. Alǵashqysy - kompanııa jetekshilerine arnalǵan 20 aılyq magıstrlik baǵdarlama. Ekinshi baǵyt keminde 5 jyl eńbek ótili bar jas mamandarǵa arnalǵan. Jıynda sóz alǵan oqytýshylar elimizdiń bilim berý sapasyn arttyrýda Elbasynyń qosqan eleýli úlesin erekshe atap ótti. Osynyń nátıjesinde Nazarbaev Ýnıversıteti men bıznes mektebiniń abyroıy TMD aımaǵynda kósh bastap tur. Al mundaǵy oqytý júıesin álemdik bilim ordalary joǵary baǵalaıdy.
«Túlekter alǵan bilimderin tájirıbede tıisti deńgeıde qoldana bilse, bizdiń baǵdarlamanyń negizgi damý kórsetkishi de osy bolmaq. ıAǵnı Memleket basshysynyń qoldaýymen álemdik standartqa saı bilim alǵan jastar qolǵa alynǵan baǵdarlamanyń alǵashqy jemisteri dep aıtýǵa tolyq negiz bar. Innovatsııalyq kásiporyndardyń basshylary tek bilikti maman bolyp qana qoımaı, el ekonomıkasyn jetik meńgerip, basqarýdyń tıimdi tetikterin bilýleri qajet, - deıdi Nazarbaev Ýnıversıtetiniń prezıdenti Shıgeo Katsý.
Bıznes mektebindegi oqytýshylar quramy bedeldi akademııalyq baspalardyń redaktorlary, iri halyqaralyq bıznes kompanııalarynyń basshylary, jetekshi mamandar men bilikti professorlardan quralǵan. Solardyń biri - PhD dárejesin meńgergen qarjyger Marek Iohents. Qazaqstanǵa kelgenine az ýaqyt ótse de professor bizdiń eldiń mamandar naryǵyn tyńǵylyqty zerttegen.
«Qazaqstanda ekonomıkanyń basym salalarynda bilikti kadrlardyń tapshylyǵy baıqalǵan shaqta, bıznes mektepteriniń mańyzy zor», - deıdi ustaz. "Bizdiń stýdentterge bergen bilimimiz tikeleı olardyń jumystaryna qatysty. Maqsatymyz - kásiptik menedjerlerdi daıyndaý, bilim alýshylarǵa bıznes salasyndaǵy jańa bilimdi ıgerip, oryndy qoldanýǵa, sonymen qatar kóshbasshylyq qasıetteri bar, oı-órisi keń tulǵalardy tárbıeleý", - dedi Nazarbaev Ýnıversıteti janyndaǵy joǵarǵy bıznes mektebiniń professory Marek Iohents.
Aıta keteıik, bul bilim ordasy - AQSh-tyń belgili Fýkýa atyndaǵy bıznes mektebimen seriktestik ornatqan alǵashqy oqý orny. Sondyqtan bul oqý oshaǵy - kásipkerliktiń jiligin shaǵatyn bilikti maman daıarlaýda taptyrmas mektep.
