«Nazarbaev Ýnıversıtetinde» Joǵary bilim mektebi ashyldy

Atalǵan mektep ýnıversıtettiń strategııalyq seriktesteri Kembrıdj Ýnıversıteti men Pensılvanııa Ýnıversıtetiniń qatysýymen qurylýda. Mektepke bilim berý salasyndaǵy joǵary bilikti, bilim berý saıasatyn taldaýǵa jáne bilim berýdiń ınnovatsııalyq baǵdarlamalaryn engizýge qabyletti taldaýshylardy,  sarapshylar men basqarýshylardy qalyptastyrýmen shuǵyldanatyn Bilim berý saıasaty ortalyǵy negizi boldy.

Joǵary bilim mektebiniń dekany buryn Konnektıkýt ýnıversıtetiniń osyndaı mektebiniń dekany qyzmetin atqarǵan Tımotı Reıgan  pm.kz saıtyna bergen suhbatynda mundaı mektepti qurý qazaqstandyq bilim berýdiń barlyq júıelerine oń yqpal etetinin atap aıtqan.

«Nazarbaev Ýnıversıtetiniń» Joǵary bilim mektebiniń ereksheligi onyń bilim berý salasyndaǵy jetekshiler men basqarýshylardy daıarlaıtyndyǵynda. Mektep muǵalimderdi emes, bilim berý saıasatyn jasaıtyn menedjerlerdi daıarlaıtynyn basa atap kórsetý qajet. Mekteptiń búgingi kúngi maqsaty - kelesi jyldyń kúzinde biz ózimizdiń orta jáne joǵary bilim berý basqarýshylaryn daıarlaýǵa mamandanatyn magıstrlik baǵdarlamamyzǵa oqýǵa jáne kóshbasshylardyń jańa urpaǵyn ósirýge daıyn bolatyn alǵashqy stýdentterdi qabyldaýymyz bolyp tabylady», - dedi Tımotı Reıgan.

Sonymen qatar, Joǵary bilim mektebiniń basshysy qazir ýnıversıtette doktorantýranyń PhD baǵdarlamasynyń Tujyrymdamasy daıyndalýdy ekenin jetkizdi.

Óz kezeginde «Nazarbaev Ýnıversıtetiniń»  provosty Saımon Djons Joǵary bilim mektebi joǵary jáne orta bilim berýdi basqarý salasynyń magıstrlerin daıarlaýmen aınalysatynyn atap ótti.

«Joǵary bilim mektebiniń ereksheligi sol, ol bilim berý salasyndaǵy jetekshilerdi daıarlaýmen shuǵyldanady, ári onyń bilim berý baǵdarlamalaryn ǵylymnyń barlyq salasynda  qoldanýǵa bolady. Sonymen qatar, mektep qarapaıym mamandardy emes, joǵary jáne orta bilim berýdi basqarý salasyndaǵy magıstrlerdi daıyndaıtynyn eskerý qajet», - dedi Saımon Djons.