Nazarbaev Ýnıversıtetinde joǵary bilim kóshbasshylarynyń ekinshi eýrazııalyq forýmy ótedi

Bul týraly joǵary oqý ornynyń baspasóz qyzmeti habarlady.

Forýmnyń taqyryby: «Joǵary bilim kóshbasshylarynyń jahandyq trendteri men olardyń óńirlik damýǵa tıgizetin yqpaly». Іs-sharaǵa 600-den astam qatysýshy tirkeldi. Olardyń qatarynda bilim berý salasynyń top-menedjerleri men kóshbasshylary, aldyńǵy qatarly ǵalymdar men zertteýshiler, Eýropa, Azııa, Soltústik Amerıka, Avstralııa sııaqty álemniń 31 elinen saıasatkerler bolady.

Bıylǵy forýmnyń kún tártibi ýnıversıtetterdiń kóshbasshylyǵy, jaýapkershiligi jáne olardy basqarý; joǵary bilimdegi strategııalyq kóshbasshylyq; bilim berýdegi jahandyq trendter máselelerin qamtıdy. Sonymen qatar, Nazarbaev Ýnıversıtetiniń kitaphanasy Qazaqstannyń JOO kitaphanashylary úshin arnaıy kásibı semınardy ótkizetin bolady. Sondaı-aq, forým barysynda Nazarbaev Ýnıersıtetinde Bilim berý kórmesi ótedi. Forýmnyń negizgi sessııalarynyń biri qazaqstandyq bilim berý júıesine sholý jasaý bolady. Sessııa barysynda halyqaralyq mamandar toby baıandamalar jasaıdy.