«Nazarbaev Ýnıversıtetinde» vırtýaldy oqytýshy paıda bolady
ASTANA. 27 maýsym. QazAqparat - «Nazarbaev Ýnıversıtetiniń» Ǵylym jáne tehnologııa mektebinde jasandy aqyl-oımen jabdyqtalǵan vırtýaldy turǵyndardyń 3D formatyndaǵy vırtýaldy ómirin modeldeý jónindegi joba jasalýda.
Jobada sondaı-aq ýnıversıtette vırtýaldy oqytýshylary bar 3D modelin jasaý da qarastyrylǵan, dep habarlady «Nazarbaev Ýnıversıtetiniń» kompıýterlik ǵylymdar kafedrasynyń professory Skott Overmaıer Pm.kz saıtyna bergen suhbatynda.
«Nazarbaev Ýnıversıtetiniń» kompıýterlik ǵylymdar kafedrasynda biz bilim berý maqsatynda qoldanýǵa bolatyn 3D formatyndaǵy vırtýaldy álem jasaýmen aınalysýdamyz», - dedi Skott Overmaıer.
Joba, sondaı-aq, ýnıversıtettiń úsh deńgeıli kóshirmesin jasaýdy oılastyrýda, onyń arqasynda stýdentter ózderiniń oqý oryndary týraly kóbirek bilip qana qoımaı, oqý materıalyn meńgerýde de kómek ala alatyn bolady.
Kompıýterlik ǵylymdardyń professorynyń aıtýynsha, «Nazarbaev Ýnıversıtetinde» búginde usynylyp otyrǵan kýrstar men oqý baǵdarlamalaryna úılestirilgen joba stýdentterge kómek kórsetýge baǵyttalǵan.
Budan basqa, jobany jasaýshylar naqty oqytýshylardyń jekelegen mindetterin vırtýaldy álemde oryndaı alatyn vırtýaldy oqytýshylar jasap shyǵarýmen shuǵyldanýdy josparlaýda.
«Osy joba sheńberinde biz naqty stýdentter olarǵa tapsyrmalardy tapsyryp, al oqytýshalar olardy tekserip, pikir aıtyp jáne baǵalaı alatyndaı deńgeıde baǵdarlamalanatyn vırtýaldy oqytýshylar jasap shyǵarýmen aınalysqymyz keledi», - dedi S.Overmaıer.
Sonymen qatar, baǵdarlamada stýdentterdiń naqty oqý jaǵdaılaryn vırtýaldy álemde oqyp-úırenip, paıdalanýyna yqpal etetin 3D-avatary qurylady. Atalǵan modeldiń keıipkerleri jasandy aqyl-oıǵa ıe úsh deńgeıli personajdar bolady.
«Biz avatarlar men belgili bir deńgeıdegi jasandy aqyl-oıǵa ıe vırtýaldy keıipkerlerdi jasap shyǵaramyz. Atalǵan 3D-adamdar bizben sóılesedi, biz olarmen ártúrli jaǵdaılarda sóılesetin bolamyz» , - dep atap ótti kompıýterlik ǵylymda rdyń professory.
Joba jasaýshylardyń pikirinshe, atalǵan joba qatysýshylarǵa beıimdelgen jáne táýekelden tys ortadan shekteýli jaǵdaıda naqty máselerdi sheshý daǵdylaryna ıe bolýǵa, sonymen qatar vırtýaldy álemde jumys isteýge yntaly stýdentterdi qaýymdastyq qurý úderisin oqyp-úırený úshin vırtýaldy naqtylyqty modeldeý boıynsha jumystarǵa at salysýǵa tartady.
Professor S.Overmaıer sóz sońynda atalǵan jobanyń basty sharty jaǵdaıdy baqylap, modeldeýge berilgen aqparat pen maqsattardy tańdap alýǵa ǵana baılanysty bolatyndyǵymen de óte yńǵaıly ekendigin jáne mundaı jobanyń Qazaqstanda áli jasalmaǵandyǵyn aıtty.
