Nazarbaev Ýnıversıtetinde Stýdenttik fılmder festıvali ótedi
ASTANA. QazAqparat - Erteń Nazarbaev ýnıversıtetinde Stýdentter isi jónindegi departamenttiń qoldaýymen «Jastar Parlamenti - Astana» QQ uıymdastyrýymen dástúrli Stýdenttik fılmder festıvali ótedi. Bul týraly Nazarbaev Ýnıversıtetiniń Kommýnıkatsııalar jáne marketıng departamentinen habarlaıdy.
Gala-kontsert kezinde stýdentterdiń qysqa metrajdy úzdik fılmderi kórsetilmek. Onda jastardyń adamnyń salaýatty ómir súrý salty, adamgershilik qasıetter men etıkasy syndy áleýmettik taqyryptar qamtylady.
Jyl saıyn uıymdastyrylyp júrgen bul sharada qazaqstandyq áıgili kıno jáne teatr qaıratkerlerinen quralǵan qazylar alqasy úzdikterdiń úzdigin anyqtaıdy.
Festıvalǵa qatysýshylar «Úzdik áleýmettik rolık», «Úzdik montaj», «Úzdik stsenarıı», «Úzdik akter», «Úzdik aktrısa», «Úzdik ıdeıa», «Úzdik mýltfılm», «Kórermender kózaıymy» nomınatsııalary boıynsha óz baqtaryn synamaq.
