Nazarbaev Ýnıversıtetinde oqyǵysy keletin talapkerlerdiń bilim deńgeıi artýda
ASTANA. 7 shilde. QazAqparat - Nazarbaev Ýnıversıtetinen bilim alǵysy keletin talapkerlerdiń deńgeıi jyldan-jylǵa artyp keledi.
Bul týraly búgin baspasóz máslıhaty barysynda atalǵan joǵary oqý ornynyń Atqarýshy keńesi tóraǵasynyń orynbasary Qadısha Daıyrova málim etti.
Onyń atap ótýinshe, ótken jyldary osy bilim ordasyna emtıhannan mınımaldy shekti ball alǵan talapkerler erkin tússe, aǵymdaǵy jyly ondaı nátıje kórsetkishter tipti qaralmaǵan da.
«ıAǵnı deńgeı ósip keledi, IELTS-tiń (aǵylshyn tilinen synaq tapsyrýdyń halyqaralyq júıesi) joǵary bolǵandyǵy da bar. Egerde de ótken jyly «Foundation» úshin 5,5 ball qajet bolsa, aǵymdaǵy jylǵy ortasha ball 6-dan asyp jyǵyldy. 7, tipti 8 ball jınaǵan balalar da boldy», - dedi Q.Daıyrova.
Sondaı-aq onyń aıtýynsha, pándik emtıhandardyń da nátıjeleri ótken jyldarǵa qaraǵanda birshama joǵary boldy.
