Nazarbaev Ýnıversıtetinde Naýryz kezdesýler qatysýshylarymen kezdesý ótti
ANA. 30 naýryz. QazAqparat - Keshe Nazarbaev Ýnıversıtetinde 9-10-shy synyp oqýshylaryna arnalǵan eki kúndik dáris - Naýryz kezdesýlerine qatysýshylarmen kezdesý ótti.
Ýnıversıtetke Qazaqstannyń barlyq aımaqtarynan 90 oqýshy men 30 muǵalim keldi, - dep habarlaıdy JOO kommýnıkatsııa jáne marketıng departamenti.
Nazarbaev Ýnıversıtetiniń Atqarýshy keńes Tóraǵasynyń orynbasary Qadısha Daırova Nazarbaev Ýnıversıtetiniń qyzmeti týraly habardar etti. Oqýshylar Nazarbaev Ýnıversıtetinde usynylǵan mamandyqtar jáne oqýǵa túsý erejeleri boıynsha suraqtar qoıdy.
Naýryz kezdesýleri 2011 jyldyń 28-29 naýryz kúnderi ótkizildi. Dáristerdi «Nazarbaev Zııatkerlik Mektepteri» AQ uıymdastyrdy. Osy jyly pándik baǵdarlama fızıka sabaǵyna arnaldy. Kezdesýler Nazarbaev Ýnıversıtetiniń, QR ıAdrolyq fızıka ınstıtýtynyń, Lomonosov atyndaǵy Máskeý memlekettik ýnıversıtetiniń Kolmogorov atyndaǵy mamandandyrylǵan oqý-ǵylymı ortalyǵynyń qatysýymen ótti.
Kezdesý barysynda qazaqstandyq jáne sheteldik ǵalymdardyń ǵylymı-kópshilik dáristeri, fızıka muǵalimderiniń shyǵarmashylyq sabaqtary, oqýshylardyń ǵylymı jobalarynyń tanystyrylymdary, fızıkany oqytý ádistemesi boıynsha oqytý semınary ótti.
