Nazarbaev ýnıversıtetinde mektep muǵalimderine sertıfıkat berildi
ASTANA. 2 shilde. QazAqparat - Nazarbaev ýnıversıtetinde Nazarbaev Zııatkerlik mektepteriniń muǵalimderine arnalǵan Biliktilikti arttyrý baǵdarlamasynyń túlekterine sertıfıkat berý rásimi ótedi.
Bul baǵdarlama boıynsha 10 aılyq kúndizgi kýrstarda Qazaqstannyń 12 aımaǵynan kelgen 100 mektep muǵalimi bilim aldy.
Nazarbaev Ýnıversıteti Kommýnıkatsııalar jáne marketıng departamentiniń habarlaýynsha, biliktilikti arttyrýdyń 10 aılyq kýrsynyń baǵdarlamasy atalmysh JOO-nyń Bilim berý saıasaty ortalyǵynyń negizinde uıymdastyryldy. Oqýlyq jobasy Londonnyń ýnıversıtettik kolledjiniń qatysýymen uıymdastyryldy, kýrs nusqaýshylary retinde Ulybrıtanııanyń, AQSh-tyń jáne taǵy basqa elderdiń úzdik sheteldik mamandary boldy. Oqý barysynda kýrsanttarǵa aǵylshyn tilin jetildirý, ozyq pedagogıkalyq teorııany jáne jańa praktıkalyq ádistemeler men tehnologııalardy ıgerý múmkindikteri berildi. Ǵylymı jumystar kóbinese túlekterdiń jeke ǵylymı zertteýlerine negizdelgen.
Sertıfıkattardy Nazarbaev Ýnıversıtetiniń prezıdenti Shıgeo Katsý jáne Nazarbaev Zııatkerlik mektepteri Basqarmasynyń tóraıymy Kúlásh Shámshidınova tapsyrady.
