«Nazarbaev Ýnıversıtetinde» kún batareıalaryn jasaıtyn zerthana qurylýda
ASTANA. 17 qyrkúıek. QazAqparat - «Nazarbaev Ýnıversıtetinde» ekinshi jáne úshinshi býyn kún fotoelementterin zertteıtin zerthana qurý jónindegi joba qolǵa alynyp otyr.
Bul joba juqa úldirli modýlder tehnologııasyn qurýǵa jáne kún batareıalarynyń zerthanalyq úlgilerin alýǵa múmkindik beredi, dep habarlady pm.kz saıty.
Osylaısha, kún fotoelementteriniń nemese ekinshi jáne úshinshi býyn kún batareıalarynyń ólshem keshenin júrgizýge arnalǵan zerthanalyq ǵylymı-tehnıkalyq baza qurylady.
Jobanyń perspektıvalyǵy sol, Qazaqstan aýmaǵynda kún sáýlesin paıdalanýdyń múmkindigi zor, sebebi bizdiń elimiz jylyna orta eseppen 2200-3000 kún saǵatyn paıdalana alady. Salystyrar bolsa, Germanııa, Norvegııa, Ulybrıtanııa jáne Japonııa sııaqty elder jylyna 1000 kún/saǵatqa ǵana ıe.
Bul jobany iske asyrý kún batereıalarynyń tájirıbelik úlgilerin jasaýǵa múmkindik beredi jáne Qazaqstannyń fotoenergetıkalyq salasyn jańa deńgeıge kóteredi. Bul joba «Nazarbaev Ýnıversıtetiniń» Energetıkalyq zertteýler ortalyǵynda zerttelýde.
