«Nazarbaev Ýnıversıtetinde» Qazaqstannyń energetıkalyq júıesiniń damý jobasy jasalýda
ASTANA. 20 qyrkúıek. QazAqparat - Qazaqstannyń energetıkalyq júıesiniń damý úlgilerin jasaý jobasy energııa júıesi damýynyń tıimdi stsenarııin jasaýǵa jáne parnık gazdarynyń shyǵarylýyn azaıtýǵa múmkindik beredi,
dep habarlady pm.kz saıty.
«Qazaqstannyń energetıkalyq júıesiniń damý nusqalaryn energetıkalyq, ekonomıkalyq jáne ekologııalyq modeldeý jáne onyń ǵalamdyq energetıkalyq júıemen ózara baılanysy» jobasynyń maqsaty jahandyq úrdisterdi eskere otyryp energetıkanyń damý nusqalaryn pishindeý bolyp tabylady.
Ol úshin TIMES júıesin iske qosý qajet. Qoldaný aıasy keń TIMES júıesi óńirler boıynsha ýaqyttyq bólýdi, modýldi qaǵıdany, úzilissiz qoldaný múmkindigin eskere otyryp, energııa júıesin damytýdyń boljamyn jasaýǵa múmkindik beredi.
Joba avtorlarynyń aıtýynsha, bul joba tek dálirek boljamdar alýǵa ǵana emes, parnık gazdarynyń shyǵarylýyn azaıtýǵa da kómektesedi.
Aıta ketý kerek, joba birneshe kezeńdi qamtıdy. Ol: TIMES júıesi arqyly málimet jınaý jáne taldaý jasaý, Qazaqstan úshin stsenarlyq modelder jasaý, Kaspıı óńiriniń modelin jasaý jáne jahandyq jelige yqpaldasý. Osy jumystardyń nátıjesinde energetıka salasynyń damý stsenarııi jáne onyń ulttyq jáne álemdik deńgeıdegi qorshaǵan ortaǵa tıgizetin áseriniń stsenarııleri jasalady.
Joba «Nazarbaev Ýnıversıtetiniń» Energetıkalyq zertteýler ortalyǵynda iske asyrylýda.
