"Nazarbaev Ýnıversıtetinde" Qazaqstan mektepteriniń muǵalimderine arnalǵan synı turǵydan oılaýdy damytý ádisi boıynsha ótkizilgen oqytý kýrsynyń birinshi sessııasy aıaqtaldy

Oqý kýrstaryn Kembrıdj ýnıversıtetiniń muǵalimderi ótkizdi, dep habarlady oqý ornynyń baspasóz qyzmeti.

Kýrs tyńdaýshylary Astana qalasy men Aqmola, Almaty, Shyǵys Qazaqstan oblystarynan kelgen mektep muǵalimderi boldy. Joba aýqymynda qol jetkizilgen daǵdylardy is-tájirıbede qoldaný tıimdiligine monıtorıng júrgizý maqsatynda qatysýshylarǵa keıinnen onlaın qoldaý kórsetý josparlanyp otyr. "Nazarbaev Ýnıversıtetiniń" bilim berý saıasaty ortalyǵy atap ótkendeı, jobanyń 50 tuńǵysh qatysýshysy keleshekte ózderi University of Cambridge International Examinations sertıfıkattarymen jetekshi nemese moderator bolyp jumys isteı alady.

Kelesi oqý sessııasy aǵymdaǵy jyldyń maýsym aıynda ótedi. Kýrs "Nazarbaev Ýnıversıtetiniń" "Synı turǵydan oılaýdy damytý" jobasynyń aýqymynda ótkizilip jatyr. Oqýdyń sońynda muǵalimder Kembrıdj ýnıversıtetinen arnaıy sertıfıkattardy alatyn bolady.