Nazarbaev Ýnıversıtetinde ınsýlt bolǵan naýqastardyń ońalyp ketýine múmkindik týǵyzatyn dárilik preparat jasalýda

 dep habarlady ýnıversıtet professory jáne osy jobanyń avtor Charlz Gılman Pm.kz saıtyna bergen suhbatynda.

 «Biz ınsýlt bolǵan naýqastarǵa aýrýdan keıin tezirek ońalyp ketýge kómektesetin jańa dárilik zat jasap jatyrmyz. Naýqastarǵa ınsýlttan keıin ońalýǵa kómektesetin dári-dármekter qazir joq», - deıdi Ch.Gılman.

Professordyń aıtýynsha, joba «metformın» dep atalatyn preparatty úsh kezeńde klınıkalyq synaqtan ótkizýge negizdelgen.

Birinshi kezeńdegi synaq derio rerio dep atalatyn balyqqa jasalmaq, sebebi ol balyqtyń júıke júıesi adamkine uqsas. Ǵalymdar balyqty jasandy jolmen ınsýltqa ushyratyp, odan keıin dárini synaı bastaıdy. Ekinshi kezeńdegi synaq tyshqandarǵa jasalmaq.

Al úshinshi kezeńde synaq adamdarǵa jasalady dep josparlanyp otyr. Jobanyń seriktesteri - «Respýblıkalyq dıagnostıkalyq ortalyq» AQ men «Respýblıkalyq jedel medıtsınalyq kómek ǵylymı ortalyǵy» AQ.

Aıta ketý kerek, metformın preparaty dıabetpen aýyratyn naýqastardy emdeýge qoldanylady. Ýnıversıtet ǵalymdary klınıkalyq synaqtardyń kómegimen bul preparattyń ınsýlt bolǵan aýqasty ońaltýǵa kómektese alatynyn dáleldemek.

Professor Charlz Gılmannyń aıtýynsha, qazir adamdar az qozǵalady jáne durys tamaqtanbaıdy, sonyń nátıjesinde ınsýlt aýrýy keń tarap otyr. Al synalyp jatqan dári adam aǵzasyndaǵy bıohımııalyq protsesterdi sportpen shuǵyldanǵan kezdegideı jumys istetedi. Zertteýshiler bul em-dom ınsýltqa ushyraǵan naýqastyń ońalýyna kómektesedi degen úmitte.