Nazarbaev Ýnıversıtetinde energııanyń jańartylatyn kózderi zerttelýde
ASTANA. 15 maýsym. QazAqparat - Nazarbaev Ýnıversıtetinde ıntellektýaldy basqarý elementteri bar energııanyń jańartylatyn kózderinen turatyn energetıkalyq júıeler qurý jónindegi zertteýler júrgizilýde, dep habarlady pm.kz saıty.
Zertteý jumystarynyń nysany bolyp jel jáne kún energııa kózderi tańdalǵan. Jel stansalary, kún batareıalaryn ornatý jumystary baqylanýda. Jınalǵan málimetter Qazaqstanda energııanyń jańartylatyn kózderin paıdalanýdyń bolashaǵy týraly tolyq aqparat qurýǵa múmkindik beredi.
«Energııanyń jańartylatyn kózderi- Qazaqstandaǵy energııa tıimdiligin arttyrýǵa jasalǵan úlken qadam», - deıdi osy zertteýge qatysýshy, Nazarbaev Ýnıversıteti Energetıkalyq zertteýler ortalyǵynyń aǵa ǵylymı qyzmetkeri Vıktor Ten.
Intellektýaldy basqarý elementteri bar jańartylatyn energııa kózderinen turatyn energetıkalyq júıeler Qazaqstannyń energetıka júıesiniń negizgi kórsetkishteri men parametrlerin jaqsartýǵa múmkindik beredi.
