Nazarbaev Ýnıversıtetinde «Derbes medıtsına jáne ǵalamdyq densaýlyq» atty ІІ Halyqaralyq ǵylymı konferentsııa ótýde

Nazarbaev Ýnıversıteti «Ómir týraly ǵylymdar ortalyǵynyń» Bas dırektory Jaqsybaı Jumadilovtiń aıtýynsha, konferentsııa genomdyq jáne derbes medıtsına, bıoınformatıka jáne ǵalamdyq densaýlyqtaný aımaǵynyń sońǵy ǵylymı jetistikterin ınnovatsııalyq túrde jan-jaqty zertteýge baǵyttalǵan. «Biz jyl saıyn ótetin osy is-sharanyń genomdyq jáne derbes medıtsınanyń ınnovatsııalyq jetistikterin aınalymǵa engizip, ǵalamdyq densaýlyq saqtaýdyń ǵylymı negizderin qalyptastyryp, bıomedıtsına salasyndaǵy ınnovatsııalyq ǵylymı baǵyttardaǵy halyqaralyq yntymaqtastyqty damytýda ashyq suhbat alańy bolatynyna senimdimiz», - deıdi J. Jumadilov. Aıta keteıik, konferentsııa jumysyna Eýropa jáne Azııa, AQSh elderiniń ǵylymı-zertteý ortalyqtary men ýnıversıtetteriniń jetekshi ǵalymdary men mamandary, memlekettik mekemelerdiń basshylary, joǵary oqý oryndary, ǵylymı-zertteý ortalyqtary jáne praktıkalyq densaýlyq saqtaý mekemeleriniń ókilderi qatysýda. Іs-shara baǵdarlamasyna «Genomdyq jáne derbes medıtsına dáýiri: máseleler men múmkinshilikter» jáne «Mıkrobıom jáne adam densaýlyǵy» atty eki paneldik sessııa engizilgen. Sonymen qatar, konferentsııa barysynda master-klastar men jas ǵalymdar, ýnıversıtet stýdentteri, magıstrleri, doktoranttarynyń posterlik sessııasy men «Úzdik posterlik baıandama» atty baıqaý ótkiziledi. Nazarbaev Ýnıversıtetiniń prezıdenti Shıgeo Katýdyń aıtýynsha, bıylǵy konferentsııa barlyq memleketterdegi ǵylymı-zertteý salasynda qyzyǵýshylyqtary bar barlyq ǵalymdardyń basyn qosýǵa baǵyttalǵan. «Shara ótkiziletin 2 kún ishinde bıomedıtsına men derbes medıtsınanyń jetistikteri jáne keleshegi,mýltı-omdyq tehnologııa men onyń qoldanysy, bmoınformatıka, júıelik bıologııa, ǵalamdyq densaýlyq jáne mıkrobıomdyq zertteýler sııaqty ǵalamdyq jáne ózekti máseleler talqylanady», - dep atap ótti ol.