Nazarbaev Ýnıversıtetinde dárilik zattardyń tıimdi dızaınyn jasaý ádisi zerttelýde
ASTANA. 21 qyrkúıek. QazAqparat - Dárilik zattardyń tıimdi dızaınyn jasaý ádisin zertteý jobasy «Nazarbaev Ýnıversıtetine» jańa tıimdi antıvırýstyq preparattar jasaýǵa múmkindik beretin bolady. Bul jaıynda Pm.kz saıtynda habarlanǵan.
«Jasýsha membranalaryndaǵy tesikterdi jaýyp tastaıtyn qosyndylardyń negizindegi jańa hımııalyq dárilik zattardyń tıimdi dızaıny» dep atalatyn bul joba jańa antıvırýstyq dárilik zattardy jasaý maqsatynda ońtaıly kompıýterlik dızaındy qoldanýǵa negizdelgen.
Joba avtorlarynyń aıtýynsha, dárilik zattardy ońtaıly dızaın jáne kompıýterlik pishindeý arqyly jasaý ádisi membranalar arqyly toksınderdiń enýine jol bermeıtin dárilik zat jasaýǵa múmkindik beredi. Osylaısha, vırýstyń kóbeıýine jáne taralýyna jol berilmeıdi.
Ońtaıly kompıýterlik dızaın ádisin engizý áseri birneshe ese joǵary jańa antıvırýstyq preparattar jasaýǵa múmkindik beredi. Bul jobamen «Nazarbaev Ýnıversıtetiniń» Pánaralyq aspaptyq ortalyǵy aınalysýda.
