«Nazarbaev Ýnıversıtetinde» dári-dármekterdi kompıýterlik modeldeý tehnologııasy jasalýda
ASTANA. 19 qyrkúıek. QazAqparat - «Nazarbaev Ýnıversıteti» qolǵa alyp otyrǵan dárilik zattardy kompıýterlik modeldeý tehnologııasyn jasaý jónindegi joba emdik áseri dál jáne joǵary jańa dáriler jasaýǵa múmkindik beredi, dep habarlady pm.kz saıty.
«Tıimdi dızaın jáne kompıýterlik modeldeý ádisi arqyly dárilik zattardy alý» jobasy kompıýterlik pishindeý men hımııalyq sıntez ádisi aqyly jańa dárilik zattardy jasaýǵa arnalǵan.
Joba avtorlarynyń deregi boıynsha, tıimdi dızaın jáne kompıýterlik modeldeý arqyly dárilik zattardy alý ádisi dári-dármektiń kemshilikterin bastapqy kezeńnen bastap anyqtap, onyń naqty jáne tıimdi formýlasyn jasaýǵa múmkindik beredi.
Oǵan qosa, joba aıasynda vaktsınalar jasaýda qoldanylatyn ımmýnogendik peptıdterdi anyqtaıtyn avtomattandyrylǵan baǵdarlamalyq poatforma jasaý josparlanýda.
Jańa joba zerthanalyq shyǵyndardy azaıtady, jańa dárilerdiń sapasyn jaqsartady, dárilerdiń naryqqa tezdep shyǵýyna jol ashady. Bul joba «Nazarbaev Ýnıversıtetiniń» Pánaralyq aspaptyq ortalyǵynda zerttelýde.
