Nazarbaev Ýnıversıtetinde «Ashyq esik kúni» ótip jatyr
TANA. 19 qarasha. QazAqparat - Búgin Nazarbaev Ýnıversıtetinde «Ashyq esik kúni» ótip jatyr, dep habarlady atalmysh joǵary oqý ornynyń Kommýnıkatsııalar jáne marketıng departamentinen.
Barlyq kelýshilerge ýnıversıtet basshylyǵymen júzdesip, fakýltetter tanystyrylymyn kórip, unaǵan mamandyqty tańdap, ýnıversıtetke túsý jáne stýdenttik ómiri týraly tolyǵyraq bilip, stýdenttermen sóılesýge múmkindik beriledi.
Іs-shara ashylýy rásiminde ýnıversıtet prezıdenti Shıgeo Katsý men provost Enn Lonsdeıl sóz sóıledi. Túsý jóninde tanystyrylymdardy Qabyldaý departamenti men Center for preparatory studies (Foundation baǵdarlamasy) usynady. Sonymen qosa fakýltetter: Injenerııa mektebi, Ǵylymdar men tehnologııalar mektebi, Gýmanıtarlyq jáne áleýmettik ǵylymdar mektebiniń tanstyrylymdary ótip jatyr. Stýdenttik ister departamentiniń qyzmetkerleri men stýdentter kampýs boıynsha ekskýrsııalar júrgizedi. Bas ǵımarattyń atrıýmynda túrli beıne-materıaldar kórsetilýde, onyń ishinde - ýnıversıtet stýdentteri túsirgen beıneklıp te bar.
Bir aptadan keıin osyndaı «Ashyq esik kúni» Almatyda ótkiziledi. Nazarbaev Ýnıversıteti qazirgi ýaqytta 2012-2013 oqý jylyna talapkerler tirkeýin júrgizip jatyr.
