Nazarbaev Ýnıversıtetinde álemde balamasy joq kún elektr stansasy synaqtan ótýde
ASTANA. QazAqparat - «Total» frantsýz munaı-gaz kompanııasy men oǵan enshiles «SunPower» kásiporny Astanadaǵy Nazarbaev Ýnıversıtetiniń tehnoparkinde álemde balamasy joq kún elektr stansasyn synaqtan ótkizýde.
Joba Nazarbaev Ýnıversıtetiniń qyzmetkerlerimen júzege asýda.
«Total» kompanııasynyń qoǵammen baılanys boıynsha dırektory Danııar Sálimbaevtyń tilshilerge bergen suhbatynda, atalmysh tehnologııa kún energetıkasy salasynda tyń ıedıanyń negizinde qurylǵan.
Jobany júzege asyrý 2013 jyly qolǵa alynǵan. Búginde elektr stansasy synaq alańynda iske qosyldy. Ol 30 metrlik eki elektr jetekten turady. Qurylǵy tolyqtaı avtomattandyrylǵan, kún sáýlesinen energııa jasaıtyn zamanaýı tehnıkany kútý de qıyn emes.
«Bul tehnologııa ónerkásipke engizilmesten buryn synaqtan ótýi tıis. Sodan keıin ǵana naryqqa shyǵarylady. Astana teginnen-tegin tańdalyp otyrǵan joq. Bul qurylǵy aýa raıynyń barlyq jaǵdaılarynan: sýyqtan, ystyqtan, jelden, jańbyrdan jáne taǵy basqa synaqtardan ótkiziletin bolady», - dedi ol.
Joba jetekshileriniń aıtýynsha, bul joba alys shalǵaıdaǵy fermalarǵa ońtaıly bolmaq.
