Nazarbaev ýnıversıtetinde adam ómirin uzartýǵa arnalǵan «Nár» sımbıotıkalyq bıoónimniń dámin tattyrady
ASTANA. 1 qarasha. QazAqparat - Búgin Búgin elordadaǵy Nazarbaev ýnıversıtetinde ótip jatqan «Regeneratsııalyq medıtsına men sapaly uzaq ómir súrý» atty ekinshi halyqaralyq ǵylymı konferentsııa barysynda qonaqtar men qatysýshylarǵa «Nár» sımbıotıkalyq bıoónimniń dámin tattyrady.
Bul ónimdi atalǵan ýnıversıtettiń Ómir týraly ǵylymdar ortalyǵy ázirlegen bolatyn. Ol adamnyń densaýlyǵyn jaqsartý arqyly ómirin uzartýǵa baǵyttalǵan.
«Búgin kóptegen saýaldar «Nár» bıoónimine qatysty týyndady. Iıa, osyndaı bıoónim bizde jasaldy. Ol zerthanalyq synaqtan ótti. Qazirgi ýaqytta klınıkalyq synaýdan ótýde. Degenmen, men bir ǵana bıoónim uzaq ómir súrý máselesiniń sheshim bolyp tabylamaıtyndyǵyn basa aıtqym keledi. Bul eń birinshiden densaýlyq sapasyn jaqsartýǵa baǵyttalǵan. Al densaýlyq uzaq ómir súrý kepili», - dedi BAQ ókilderine atalǵan ortalyqtyń bas dırektory Jaqsybaı Jumadilov.
