Nazarbaev Ýnıversıtetin qurý - elimiz baǵyndyrǵan taǵy bir beles - QR Prezıdenti
ASTANA. QazAqparat - Búgin Elbasy Nursultan Nazarbaev Nazarbaev Ýnıversıtetiniń túlekterin dıplom alýlarymen quttyqtady.
«Men ýnıversıtettiń qamqorlyq keńesin, basshylyǵyn professorlar men qyzmetkerlerin alǵashqy túlekterimen quttyqtaımyn. Qarjylaı qoldaý bildirip, kómek qolyn sozǵan metsanttarǵa da jeke alǵysymdy bildiremin. Bul - bizderdiń osynaý biregeı ýnıversıtetti qurý jáne damytýdaǵy ortaq eńbegimizdiń mańyzdy nátıjesi. Men túlekterdiń ata-analaryn da balalarynyń ardaqty armandaryn oryndaýymen de quttyqtaımyn. Olarda bizben birge qýanyp jatqan shyǵar. Men barsha qazaqstandyqtardy da bizdiń elimiz baǵyndyrǵan taǵy bir belespen quttyqtaımyn», - dedi Elbasy.
Memleket basshysy túlekter aldynda erekshe jaýap kezeń turǵanyn basa atap ótti.
«Men sizderden barynsha kásibılik kútemin. Sizderdiń oqýlaryńyz alǵashqy dıplom alýlaryńyzben támamdalmaıdy. Ol búkil ómir boıy jalǵasady. ómirdiń basty shyndyǵyn sizder oqýdan keıin alasyzdar»,- dedi QR Prezıdenti.
Elbasy óz isiniń naǵyz kásibıi ǵana alǵan bilimin qorytyp qana qoımaı ony naqty iske asyratyndyǵyn basa atap ótti.
«Men ýnıversıtettiń barlyq túlegi dál sondaı kásibı bolatyndyǵyna senemin», - dedi N.Nazarbaev.
